"ქალი „სუსტი სქესია“ - ამაზე უფრო აბსურდული არაფერია" - თამო ვაშალომიძის, როგორც ძლიერი ქალის ამბავი - Marao

"ქალი „სუსტი სქესია“ - ამაზე უფრო აბსურდული არაფერია. ქალი ყველაზე ძლიერია. მას შეუძლია იყოს დედა, ცოლი, ბიზნესლედი, ჰქონდეს საკუთარი საქმე და ეს ყველაფერი ერთად აკეთოს. ქალებო, მიყვარხართ!" - წერს სოციალურ ქსელში თამო ვაშალომიძე. 

ფოტომოდელი, ინფლუენსერი, ტელესახე თამო ვაშალომიძე ბოლო წლებში განსაკუთრებით ხშირად ექცევა ყურადღების ცენტრში. ამის მიზეზი როგორც მისი პროფესიული საქმიანობა, ისე პირადი ცხოვრებაა. ის ერთ-ერთი პირველი ქართველი იყო, რომელიც პრესტიჟულ ფესტივალზე არა მსახიობის ან რეჟისორის, არამედ ბიზნესლედის ამპლუაში გამოჩნდა. კანისა და ვენეციის ფესტივალების, წითელი ხალიჩებისა და თავბრუდამხვევი წარმატების პარალელურად, ცნობილი გახდა, რომ ვაშალომიძე მეუღლეს დაშორდა. ამ რთულ პერიოდში მან სოციალურ ქსელში გულახდილად ისაუბრა განქორწინების სირთულეებზე და გულშემატკივრებისგან დიდი მხარდაჭერა მიიღო. 

თამო ვაშალომიძის ოჯახი და კარიერა

თამო ვაშალომიძის სახელი და გვარი პირველად საზოგადოებამ წლების წინ გაიგო, როცა მან ყურადღება თამამი ფოტოსესიებითა და განცხადებებით მიიპყრო. ის ფოტომოდელია და ხშირად ჩანს სხვადასხვა კამპანიაში. ამის გარდა, ის სოციალურ ქსელში თავადაც აქტიურია, აქვს "ფეისბუკის", "ინსტაგრამისა" და "ტიკ-ტოკის" საკუთარი არხები და გამომწერებს ცხოვრების საინტერესო დეტალებს ამ გზით უზიარებს.

• „ჩემი ცხოვრების მიზანი კარგი დედობაა...“ – თამო ვაშალომიძე ემოციებსა და გეგმებზე

"პირველი წარმატება იყო მაშინ, როდესაც საქართველოს სახელით კოსოვოში წავედი, 2013 წელს. საქართველოში კონკურსი "მის ბიკინი" ჩატარდა. საუკეთესო ოცეულში მოვხვდი და მერე გამოვეთიშე. ჩემმა მენეჯერმა გამიშვა კოსოვოში, იქ "მის თავისუფლება" ტარდებოდა. ჩემთვის ეს ძალიან ემოციური იყო. ვფიქრობდი, აქ არ გამიმართლა და ბედი იქ უნდა მეცადა. ამ კონკურსში "პრესის რჩეული" გავხდი. ჩემი ტიტული ლენტზე დიდი ასოებით ეწერა და რომ გადამკიდეს, ეგრე ჩამოვედი საქართველოში. უზომოდ გახარებული ვიყავი."

თამო დაქორწინებული იყო ბიზნესმენ აკა სამხარაძეზე. წყვილს ერთი საერთო შვილი, მაქსიმე ჰყავს, ხოლო თამოს პირველ ურთიერთობაში გოგონა შეეძინა.

"ახლა ჩემი მეუღლე არის ჩემი მარჯვენა ხელი, სული, გული; ადამიანი, რომელიც ყველაფერს აკეთებს ჩემი ბედნიერებისთვის. მაგრამ სანამ მას გავიცნობდი, თავად ძალიან ბევრი ვიშრომე. გულწრფელად გეტყვი, მაშინ ბევრი რამ არც ვიცოდი, როგორ გამეკეთებინა. გულუბრყვილო ვარ-მეთქი, ხომ გითხარი, ხანდახან ტელევიზიები სიუჟეტებისთვის სათავისოდ მიყენებდნენ. გამოუცდელი რომ ხარ, გგონია, ყველა კეთილია, ყველას მოსწონხარ, მერე თავს გესხმიან და ხმასაც ვერ იღებ, გეშინია არ დაგბლოკონ, არ გაგაშავონ. ეს ყველაფერი გამოვიარე. მებრძოლი რომ არ ვყოფილიყავი, დღეს ჩემი რეალობა ასეთი არ იქნებოდა", - ამბობდა თამო ერთ-ერთ ინტერვიუში.

• "ყველა ქართველს გვერდით დავუდგები და მხარს დავუჭერ" - ორი ქართველი აშშ-ში და წარმატების ამბავი

მიუხედავად ამისა, ცოტა ხნის წინ თამო ვაშალომიძემ გაამხილა, რომ ის მეუღლეს დაშორდა. ახლა ის შვილებთან ერთად ცალკე ცხოვრობს და აგრძელებს კარიერულ წინსვლას - მან შექმნა თავის მოვლისა და კოსმეტიკური ხაზები, რომლის პოპულარიზაციისთვისაც ბოლო ორი წლის მანძილზე აქტიურად ესწრება მსოფლიო დონის ღონისძიებებს, მათ შორის, ვენეციისა და კანის კინოფესტივალებს. სულ ცოტა ხნის წინ კი ის პროფესიული განვითარების მიზნით აშშ-ში იმყოფებოდა.