"ჩემი საყვარელი სიტყვის დროც დადგა" - მარიამ გაფრინდაშვილისა და ნიკო მიქაიას დიდი მოლოდინი და ოჯახური ბედნიერება - Marao

"პორტუგალიური თავგადასავლის დასასრულს, ათასობით კომენტარის წაკითხვის შემდეგ, ჩემი საყვარელი სიტყვის დროც დადგა. მ ა დ ლ ო ბ ა, მეგობრებო, უდიდესი მადლობა ამდენი თბილი და ტკბილი სიტყვისთვის! ყველაფრის წაკითხვის შემდეგ, კიდევ ერთხელ ვფიქრობ, რომ ორივეს რაღაც გამოგვივიდა ცხოვრებაში. კიდევ ერთხელ, უდიდესი მადლობა მოლოცვისთვის და ბოდიში, რომ სათითაოდ ვერ გპასუხობთ ყველას", - წერს სოციალურ ქსელში ჟურნალისტ მარიამ გაფრინდაშვილის მეუღლე, ნიკო მიქაია. 

მარიამ გაფრინდაშვილის ოჯახი 

მარიამ გაფრინდაშვილის მეუღლე ანალიტიკოსი ნიკო მიქაიაა. წყვილი ურთიერთობის შესახებ ინფორმაციას აქამდე არ ასაჯაროებდა, თუმცა ცოტა ხნის წინ ნიკომ მარიამს დაბადების დღე საჯაროდ მიულოცა და მასთან ერთად გადაღებული ფოტო გამოაქვეყნა: "მარტო ის მინდა, ბედნიერი იყო, დანარჩენს მე გავაკეთებ ყველაფერს, ვეცდები, ყოველ შემთხვევაში", - წერდა ნიკო მიქაია. 

• მოგზაურობა ლისაბონში და რომანტიკული კადრები: მარიამ გაფრინდაშვილის ფოტოები მეუღლესთან ერთად

ცოტა ხნის წინ პირველი შვილის მოლოდინისა და ოჯახის შესახებ გადაცემაში "პირველი სტუდია" მარიამ გაფრინდაშვილმაც ისაუბრა:

"რაც უნდა წარმოუდგენელი იყოს, პირადი ცხოვრებისთვის მრჩება დრო. ისე დალაგდა, რომ  „ნოდარ მელაძის „რეპრესიების“ მიუხედავად, იმის მიუხედავად, რომ სულ სამსახურში უნდა ვიყო, გამოვნახე დრო პირადი ცხოვრებისთვის. 

ეს წელი იქნება ჩემთვის განსაკუთრებული წელი. სხვა ამპლუაში ვიქნები, რაც ჯერ ჩემთვისაც ცოტა წარმოუდგენელია.

ჯერ კიდევ დაბნეული ვარ და ცოტას ვნერვიულობ. შესაბამისად, ვემზადები ახალი გამოწვევებისთვის.

• "ყველაზე კარგად ვიცით, ჩვენ, აფხაზეთიდან დევნილებმა რას ნიშნავს ომი. მე გავიზარდე მამის გარეშე, გაგრის დაცემის დღეს დაიღუპა" - ნანუკა ქაჯაია

პროფესიაზე უარს არავითარ შემთხვევაში არ ვიტყვი, იმიტომ, რომ მე ჩემი პროფესია ძალიან მიყვარს, ჩემი ცხოვრების ნაწილია… არ ვაპირებ, თავი მოვანატრო მაყურებელს და „ქართულ ოცნებას“. ცხოვრებაში ყველაზე მთავარი სიყვარულია. სწორედ ეს გაკეთებინებს ყველაფერს. მე ძალიან გამიმართლა, პირად და პროფესიულ სიყვარულში. 

ჩემი ცხოვრების მთავარი ამბავი ახლა მოლოდინია, რომელსაც დიდი ინტერესით ველოდებით", – ამბობს მარიამ გაფრინდაშვილი.

სასიხარულო სიახლის გაზიარების შემდეგ, მარიამ გაფრინდაშვილი აქტიურად აქვეყნებს მეუღლესთან ერთად გადაღებულ კადრებს. მეგობრებსა და გამომწერებს ფოტოები პორტუგალიური არდადეგებიდანაც გაუზიარა.