"პოპულარული, კარგი მხატვარი დავით მაღრაძე არის ჩემი შვილის მამა" - თათა ვარდანაშვილი ქმარზე, შვილსა და ჯანმრთელობაზე - Marao

ყველასთვის საყვარელი დიზაინერი თათა ვარდანაშვილი ეკა ჩხეიძის გადაცემის სტუმარი იყო. თათამ "პირველი სტუდიის'" ეთერში არაერთ საინტერესო თემაზე ისაუბრა, მათ შორის, პროფესიასა და კარიერაზე, ოჯახსა და განქორწინებაზე, შვილზე. 

• თათა ვარდანაშვილი შვილზე 

„დემეტრე რომ დაიბადა, ადამიანი ადგა, სახლიდან წავიდა და თვალით არ მინახავს. პოპულარული, კარგი მხატვარი დავით მაღრაძე არის ჩემი შვილის მამა. ჩემი ყოფილი მეუღლე. დემეტრე მამას არ იცნობდა, ვიდრე თვითონ არ გახდა მამა. მამა რომ გახდა მერე დაინტერესდა, რომ ერთხელ მაინც თვალით ენახა მამამისი, მანამდე ნანახი არ ჰყავდა არსად”.

• თათა ვარდანაშვილი მეუღლეზე

„თუ ვინმეს ახსოვს ჩვენი ურთიერთობა, ნიმუშად ჰქონდათ ჩვენი სიყვარულის და ურთიერთპატივისცემის ისტორია.  არ ვიცი, ოჯახი რატომ არ მაქვს. 

საკუთარ თავს ვადანაშაულებდი, შვიდი დღის ბავშვით დავრჩი მარტო… ძნელია, ჩაგეხუტოს, გადაგკოცნოს, სახლიდან გავიდეს და ეს გასვლა სამუდამო წასვლა აღმოჩნდეს.

• "იმავე გზას ნამდვილად არ გავივლიდი, ბევრ რამეს შევცვლიდი..." - თამთა ჭელიძე განვლილი ცხოვრების, შვილისა და პირადი ცხოვრების სიახლეების შესახებ

ჩემს თავს ვაპატიე, რომ მას ცოლად გავყევი.. ჩემში ადამიანი გარდაიცვალა და ახალი დაიბადა, გარდაცვალების მომენტი კი ისეთი მტკივნეული იყო, ვერც ერთ ფიზიკურ ტკივილს ვერ შევადარებ“ 

• თათა ვარდანაშვილი ჯანმრთელობაზე

„მონასტერში ყოფნა ძალიან დამეხმარა ჩემი შინაგანი სამყაროს მოწესრიგებაში. ყველაზე უფრო მეტად დამეხმარა მეპოვა სად ვარ. ადგილი ჩემს შინაგან სამყაროში. აუხდენელ ოცნებად დარჩა მონაზვნობა. თუმცა, ერში ვცხოვრობ, როგორც მონაზონი.

რამდენიმე წელი ჯანმრთელობასთან დაკავშირებული პრობლემები მქონდა. შეზღუდული მქონდა გადაადგილება, რამაც კუნთების ატროფია გამოიწვია. სარკეში რომ ვიყურებოდი ჩემს თავს გამარჯობას ვერ ვეუბნებოდი. საწოლიდან ფორთხვით გადმოვდიოდი და ვაიძულებდი თავს მემოძრავა. არ მინდოდა ამ ყველაფერს ჩემში სიბოროტე შემოეტანა. ვთხოვდი უფალს სიკეთე გულში გადამირჩეს-მეთქი“.

თათა ვარდანაშვილი: შემოქმედებითი პორტრეტი 

თათა ვარდანაშვილი თანამედროვე ქართული კულტურული სივრცის საინტერესო წარმომადგენელია, რომელმაც საზოგადოების ყურადღება ძირითადად მოდის ინდუსტრიისა და ტელევიზიის საშუალებით მიიპყრო. მისი კარიერა რამდენიმე მიმართულებას აერთიანებს, მათ შორის, მოდელობას, დიზაინსა და მედია საქმიანობას.

თათა ვარდანაშვილის ინტერესი ხელოვნებისა და მოდისადმი ადრეული ასაკიდანვე გამოიკვეთა. მისი ვიზუალური მონაცემები და ნიჭი გახდა საფუძველი იმისა, რომ იგი ქართული მოდის ინდუსტრიაში აქტიურად ჩართულიყო. განათლებისა და პროფესიული განვითარების გზაზე მან აქცენტი საკუთარი ინდივიდუალიზმის წარმოჩენაზე გააკეთა.

• "წლების მატებას არ განვიცდი... გამორიცხულია, რომ წლებმა შეგცვალოს" - ელენე ფოჩხუა წლების მატებაზე, გარეგნობის ცვლილებებსა და ახალ გამოწვევებზე

თათა წლების განმავლობაში წარმატებული მოდელი იყო. იგი მონაწილეობდა სხვადასხვა ჩვენებებში, ფოტოსესიებსა და სარეკლამო კამპანიებში. თათა ტრადიციული გაგებით "მოდელი" არ ყოფილა, თუმცა მისი სახასიათო გარეგნობა ყოველთვის იმსახურებდა დიდ ინტერესს. 

ის მხოლოდ მოდელობით არ შემოფარგლულა - მოგვიანებით მან თავი დიზაინერის ამპლუაშიც მოსინჯა. მისი შემოქმედება ხასიათდება დახვეწილი გემოვნებითა და თანამედროვე ტენდენციების ორიგინალური ხედვით. მან შექმნა საკუთარი ხაზი, რომელიც გამორჩეული იყო ქართველი მომხმარებლისთვის.

ფართო საზოგადოებისთვის თათა ვარდანაშვილი განსაკუთრებით ცნობილი გახდა ტელეეკრანებიდან. სხვადასხვა დროს იგი მონაწილეობდა პოპულარულ მეგა-შოუებსა და გადაცემებში. მისი გამოჩენა ყოველთვის ასოცირდება სტილთან და თავდაჯერებულობასთან.

• "მეორე ადამიანს შეურაცხყოფას რომ მიაყენებ, მერე მასთან ცხოვრება აღარ ღირს" - თათა ვარდანაშვილის ახალი ინტერვიუ და ცხოვრება დღეს

გარდა პროფესიული საქმიანობისა, თათა ხშირად ფიგურირებს ქართულ ყვითელ პრესასა და სოციალურ მედიაში, სადაც ის საკუთარ ცხოვრების სტილსა და შეხედულებებს უზიარებს გამომწერებს. ის ითვლება ერთ-ერთ გავლენიან ფიგურად, ინფლუენსერად მოდისა და სილამაზის სფეროში. პირადი ცხოვრებისა და ოჯახური სირთულეების გამო, რამდენიმეწლიანი პაუზის შემდეგ თათა კვლავ დაუბრუნდა პროფესიას და საკუთარ გამოცდილებას მასტერკლასებისა და ვორკშოპების საშუალებით სხვებსაც უზიარებს.