ჯანეტ ქერდიყოშვილის ინტერვიუ: "მაშინ არც წონას ექნება მნიშვნელობა, არც სიმაღლეს, არც ვიზუალს..." - Marao
ჯანეტ ქერდიყოშვილის ინტერვიუ: "მაშინ არც წონას ექნება მნიშვნელობა, არც სიმაღლეს, არც ვიზუალს..."
მოდელი და ტელეწამყვანი ჯანეტ ქერდიყოშვილი გიორგი კოკაიას ქვიზის კითხვებს პასუხობდა.
გიორგი: "პრაიმშოუ" თუ "ჩემი საქართველო"?
ჯანეტი: ორივე ჩემი საყვარელი პროექტია, მაგრამ, რადგან ახალია, "ჩემი საქართველო".
გიორგი: საყვარელი კერძი?
ჯანეტი: ძალიან ბევრი რამ მიყვარს, თან ჩემს მდგომარეობაში, მაგრამ უფრო მეგრული ხაჭაპური.
გიორგი: რომელი კერძს გაკეთება გამოგდის ყველაზე კარგად?
ჯანეტი: ბევრ კერძს ვაკეთებ, მეგრული სამზარეულო გამომდის ძალიან კარგად, მაგალითად, საცივი.
გიორგი: საყვარელი სერიალი?
ჯანეტი: როგორც ორი შვილის დედა, სერიალებს ვერ ვუყურებ, არ მაქვს დრო. სანამ გავთხოვდებოდი, "სამეფო კარის თამაშების" ყველა სერის ვუყურე და ამას ვიტყოდი.
გიორგი: ერთი სიტყვით აღწერე ნოე;
ჯანეტი: მზრუნველი.
გიორგი: რჩევა გოგოებს, რომლებიც მოდელობას აპირებენ;
ჯანეტი: დაუთმეთ დრო თვითგანვითარებას, როდესაც ჩვენს თავში ვიქნებით დარწმუნებულები, ყველაფერი გამოგვივა. იქ არც წონას ექნება მნიშვნელობა, არც სიმაღლეს, არც ვიზუალს.
ჯანეტ ქერდიყოშვილი
ჯანეტის გზა დიდ სცენამდე 2011 წელს დაიწყო, როცა ჯანეტმა “მის საქართველოს” ტიტული მოიპოვა. ამ წარმატების შემდეგ, 2013 წელს ის მონაწილეობდა პოპულარულ სატელევიზიო მუსიკალურ პროექტში, თუმცა, მიუხედავად თავისი გამორჩეული ხმისა და დიდი პოტენციალისა, მომღერლის კარიერაზე უარის თქმა მოუწია - სამოდელო კონტრაქტის პირობების გამო, არჩევანი უნდა გაეკეთებინა მუსიკასა და სილამაზის კონკურსებს შორის. ჯანეტმა მეორეს მიანიჭა უპირატესობა და გადაწყვიტა, საერთაშორისო ასპარეზზე გაეტანა საქართველოს სახელი. სწორედ ასე აღმოჩნდა იგი "მის სამყაროს" კონკურსზე ქვეყნის წარმომადგენლად.
დროის სვლასთან ერთად, ჯანეტმა კარიერა სხვა მიმართულებშიც წარმატებით გააგრძელა. გახდა ტელეწამყვანი, ხოლო მოგვიანებით, ბიზნესშიც მოსინჯა ძალები: დააარსა დიზაინის სტუდია და ჯანსაღი დეტოქს კვების ბრენდი, რომელიც ჯანმრთელი ცხოვრების პოპულარიზაციას ემსახურება.
მისი პირადი ცხოვრებაც არანაკლებ წარმატებულია - ის დაქორწინდა ცნობილ ტელეწამყვანზე და პროდიუსერზე, ნოე სულაბერიძეზე. 2019 წლის ივნისში მათ გრანდიოზული ქორწილი გადაიხადეს. ქორწილი ტრადიციული მოტივებით იყო გაფორმებული, თავად სიძე-პატარძალსა და მათ მეჯვარეებს კი ტრადიციული ქართული სამოსი ეცვათ. 2020 წელს ჯანეტსა და ნოეს პირველი შვილი, ანნა სულაბერიძე შეეძინათ. წყვილს ორი საერთო შვილი ანნა და ელი ჰყავთ.