ეს სიყვარული უკვე 17 წელს ითვლის: ირინა ონაშვილისა და ლადო ვარძელაშვილის ბედნიერი ოჯახი, ორი შვილი და ოჯახური კადრები - Marao
ეს სიყვარული უკვე 17 წელს ითვლის: ირინა ონაშვილისა და ლადო ვარძელაშვილის ბედნიერი ოჯახი, ორი შვილი და ოჯახური კადრები
მოდელი ირინა ონაშვილისა და ლადო ვარძელაშვილის ვაჟი, დათი ცოტა ხნის წინ იუბილარი იყო. დათი 9 წლის გახდა. მან დაბადების დღე მეგობრებისა და ოჯახის წევრების წრეში აღნიშნა.
კადრები დათის დაბადების დღიდან ირინა ონაშვილმა გამოაქვეყნა - მეგობრებისა და გულშემატკივრებისგან კი უამრავი სიყვარული დაიმსახურა.
ირინა ონაშვილი
ირინა ონაშვილს ფართო საზოგადოება 2003 წლიდან იცნობს, როცა ის „მის საქართველოს“ გამარჯვებული გახდა. მას შემდეგ მოდელის კარიერა და პირადი ცხოვრება არაერთხელ გამხდარა განხილვის საგანი. ამის შემდეგ ირინა რამდენიმე ტელეგადაცემასა და სერიალ „ჩემი ცოლის დაქალებშიც“ გამოჩნდა. როგორც ჩანს, მოდელი აქტიური ცხოვრებითაა დაკავებული და კარიერაზე განსაკუთრებით ზრუნავს.
ირინას პირველი ქმარი ფეხბურთელი ბესო ქარდავა იყო. ბესომ ირინა მოიტაცა. მათი ურთიერთობა ვერ აეწყო და წყვილი მალე დაშორდა. მას შემდეგ ირინას პირად ცხოვრებასთან დაკავშირებით არაერთი ჭორი დადიოდა - მოდელს ცნობილ მამაკაცებთან მიაწერდნენ რომანს, თუმცა ის მალე ლადო ვარძელაშვილს გაჰყვა ცოლად.
ლადო ვარძელაშვილი სპორტისა და ახალგაზრდობის ყოფილი მინისტრია. ის უკვე დიდი ხანია საზოგადოებაში აღარ ჩნდება და არც სოციალურ ქსელში აქტიურობს.
აღსანიშნავია, რომ 2013 წელს მათ ოჯახში ტრაგედია დატრიალდა: როცა მეგობრები ვარძელაშვილის იარაღის კოლექციას ათვალიერებდნენ, მან "ტეტეს" სისტემის პისტოლეტი საჩვენებლად მეგობარს, ზვიად ქავთარაძეს მიაწოდა, ამ უკანასკნელს იარაღი გაუვარდა და ტყვია მოპირდაპირედ მდგომ დევი სირაძეს გულ-მკერდის არეში მოხვდა - ის საავადმყოფოში მიყვანამდე გარდაიცვალა. ლადო ვარძელაშვილი სასჯელს გირაოს სანაცვლოდ გადაურჩა. ამ შემთხვევის შემდეგ იგი ტელეეკრანებთან გამოჩენას თავს არიდებს. ირინა და ლადო დღემდე ერთად ცხოვრობენ და ორ შვილს ზრდიან.
"რა თქმა უნდა, კარგია, როცა ადამიანს აქვს იმის ყველანაირი რესურსი, დრო, რომ რაც შეიძლება მეტი შვილი გააჩინოს. ოღონდ, ჩემი აზრით, ეს საკმაოდ რთული ამბავია. სამომავლოდ როგორ იქნება, არ ვიცი, მაგრამ რთული რომ არის, უკვე ვატყობ. თუნდაც ორი შვილის გაზრდა ადვილი საქმე არ არის.