"თქვენ თუ იცით, რომ თქვენ გყავთ ძმა? " - ზურა მანჯავიძე მოპარული ძმის შესახებ - Marao

მომღერალი ზურა მანჯავიძე თამუნა მუსერიძის პოდდკასტის "ვეძებ" სტუმარი იყო. მან პოდკასტში თავის დედმამიშვილზე ისაუბრა, რომელზეც ექიმებმა საავადმყოფოში უთხრეს, რომ გარდაიცვალა. 

"ჩემ მერე გაჩნდა. მე მეოთხე შვილი ვარ, ანუ მეხუთე შვილი გაჩნდა. მას შემდეგ დედაჩემს კიდევ ორი შვილი შეეძინა, ანუ ექვსნი გვეგონა ვიყავით და აღმოვჩნდით შვიდი. დედაჩემს ჰქონდა მძიმე მშობიარობა, ამ მშობიარობაზე კლინიკური სიკვდილი დაემართა და გაითიშა, ამით ისარგებლეს და ადვილად დააჯერეს...  სიმართლე რომ გითხრათ, ბავშვობაში მე ამის შესახებ არ ვიცოდი. მეც ძალიან პატარა ვიყავი მაშინ, ორი წელია სხვაობა და ჩემმა უფროსმა დედმამიშვილებმა, რა თქმა უნდა, იცოდნენ. დედას უთხრეს, რომ ბავშვი მშობიარობის პროცესში გარდაიცვალა, რადგან მძიმე მშობიარობა ჰქონდა დედას, ეს ტყუილი ყველამ მარტივად დაიჯერა. 

მე სიმართლე მაშინ გავიგე, როდესაც გოჩა გამოჩნდა ჩვენს ცხოვრებაში. ამის შესახებ ჩემმა უმცროსმა ძმებმაც არაფერი იცოდნენ, რადგან ძალიან მძიმე თემა იყო ოჯახისთვის. 

ერთ საღამოს ქალბატონი მირეკავდა, მან მითხრა - "თქვენ თუ იცით, რომ თქვენ გყავთ ძმა? კიდევ ერთი ძმა გყავთ, რომლის შესახებაც თქვენ არ იცით". ეს იყო ჩემი ძმის მეუღლე. მანამ სანამ დაქორწინდებოდნენ, როგორც ადრე იცოდნენ სასიძოს შესახებ გაკითხვა, სწორედ ასე გაიგო მანაც, თუმცა ჩემმა ძმამაც არ იცოდა, ნაშვილები რომ იყო.

როცა ეს ამბები მის ყურამდე მივიდა, დედამისს ჰკითხა, რა ხდებოდა, საბედნიეროდ, დედამისმაც არ დაუმალა და უთხრა სიმართლე. ის ღამე გავათენე. არავისთვის მითქვამს, მარტო ვიტანჯავდი თავს. როგორც კი დედა ჩამოვიდა, მოვუყევი და მან მომიყვა ეს ისტორია. ვუთხარი, რომ იყო შანსი, ბავშვი ცოცხალი ყოფილიყო. ქალბატონმა ნათელამ, გოჩას აღმზრდელმა, იცოდა, რომ ბავშვი მიტოვებული იყო, მას დაბადების ყველაფერი ჰქონდა შენახული.

დედაჩემს ამ ყველაფრის აღქმა და გადახარშვა ძალიან გაუჭირდა. სიხარულსაც ვერ გამოხატავდა", - ამბობს ზურა მანჯავიძე.

ზურა მანჯავიძე

ქართული კულტურული სივრცის წარმოდგენა ზურა მანჯავიძის გარეშე თითქმის შეუძლებელია. ის არის არტისტი, რომელმაც შეძლო ერთმანეთისთვის ორგანულად შეეთავსებინა მუსიკალური ნიჭი, ტელეწამყვანის ქარიზმა და სამაგალითო ოჯახი. მისი შემოქმედება უკვე ათწლეულებს ითვლის და ის დღემდე რჩება იმ ადამიანების სიაში, რომელთა მიმართ საზოგადოებას განსაკუთრებული ნდობა და სიმპათია აქვს.

ზურა მანჯავიძის შემოქმედებითი აღმავლობა გასული საუკუნის 90-იან წლებში დაიწყო, როდესაც შეიქმნა ლეგენდარული კვარტეტი „ფორტე“. ეს იყო პერიოდი, როდესაც ქართულ მუსიკას ახალი ენერგია და დახვეწილი მრავალხმიანობა სჭირდებოდა. „ფორტემ“ გაათანამედროვა ძველი ქალაქური სიმღერები ისე, რომ არ დაუკარგავს მათი ავთენტურობა. ზურა, როგორც ჯგუფის ერთ-ერთი წამყვანი ფიგურა, ყოველთვის გამოირჩეოდა განსაკუთრებული ტემბრითა და სცენური მომხიბვლელობით, რაც ჯგუფის წარმატების ერთ-ერთ მთავარ ნიშად იქცა.

• "განსხვავებული სახელი უნდოდათ, აიკო კი ნიშნავს „სიყვარულის ნაყოფს" - ზურა მანჯავიძე ბაბუის ამპლუაში 

• "ჩემი მეუღლე ჩემი სიმშვიდის გარანტია, ვიცი, თეას წყალობით სახლში ყველაფერი რიგზე იქნება" - ზურა მანჯავიძის ოჯახური იდილია, შვილები და სიყვარული 

მუსიკალური წარმატების პარალელურად, მან საკუთარი თავი ტელეწამყვანის ამპლუაშიც ბრწყინვალედ წარმოაჩინა. მისი იუმორი და უშუალო კომუნიკაციის უნარი გახდა იმის მიზეზი, რომ ის არაერთი რეიტინგული შოუს სახე გამხდარიყო. სატელევიზიო ეკრანზე ის ყოველთვის ინარჩუნებს ბალანსს პროფესიონალიზმსა და მეგობრულ განწყობას შორის, რაც მაყურებელს თავს კომფორტულად აგრძნობინებს. 

მიუხედავად აქტიური საზოგადოებრივი ცხოვრებისა და დატვირთული გრაფიკისა, ზურა მანჯავიძისთვის უმთავრესი პრიორიტეტი ყოველთვის ოჯახი იყო. მისი პირადი ცხოვრება ქართული შოუბიზნესისთვის იშვიათი სტაბილურობისა და სიმყარის მაგალითია. მეუღლესთან ერთად მან შეძლო შეექმნა თბილი და მრავალშვილიანი ოჯახი. მომღერალი ხშირად აღნიშნავს, რომ მისი ყველა წარმატების სათავე სწორედ ის სიმშვიდე და მხარდაჭერაა, რომელსაც საკუთარ სახლში პოულობს. ის არის მამა, რომელიც შვილებისთვის არა მხოლოდ ავტორიტეტი, არამედ მეგობარი და სწორი ღირებულებების ორიენტირია.

დღეს ზურა მანჯავიძე აგრძელებს აქტიურ შემოქმედებით საქმიანობას. ის კვლავ დგას სცენაზე, მონაწილეობს მნიშვნელოვან კულტურულ პროექტებში და რჩება ადამიანად, რომლისთვისაც ქართული სიმღერა და ტრადიცია უპირველესია.