"მომცა ღმერთმა და გავაჩინე. ზუსტად ვიცი, რომ ღმერთივე დამეხმარება მათ გაზრდაში" - თეა დარჩიას ძალიან საინტერესო ინტერვიუ - Marao
"მომცა ღმერთმა და გავაჩინე. ზუსტად ვიცი, რომ ღმერთივე დამეხმარება მათ გაზრდაში" - თეა დარჩიას ძალიან საინტერესო ინტერვიუ
მოცეკვავე თეა დარჩია ნუცა სურგულაძის და ნინა პერტენავას გადაცემის სტუმარი იყო. გადაცემა "მარტივი თეფშის" ეთერში სტუმარმა და მასპინძლებმა არაერთი საინტერესო თემაზე ისაუბრეს - ოჯახზე, შვილებზე, ცხოვრების წესზე, კვების კულტურასა და ჩვევებზე. თეა დარჩია, როგორც წესი, გადაცემებში ოჯახსა და "სუხიშვილებზე" საუბრობს, ეს ინტერვიუ კი მის განსხვავებულ მხარეს, განსხვავებულ შეხედულებებს დაგანახებთ.
გთავაზობთ მოკლე მონაკვეთს ინტერვიუდან, სადაც თეა დარჩია ნინა პერტენავასთან ერთად განიხილავს, თუ რა ძალა აქვს რწმენას:
თეა დარჩიას ინტერვიუ
ნინა პერტენავა: „მართლა, ვინ წარმოიდგენს, რომ თან ბებია, თან ოთხი შვილის დედა, ამხელა ენერგიის პატრონი ადამიანია…“
თეა დარჩია: იცი რა, მომცა ღმერთმა და გავაჩინე. ზუსტად ვიცი, რომ ღმერთივე დამეხმარება მათ გაზრდაში. ზუსტად ვიცი, რომ ღმერთი დამეხმარება. აი, როცა მიენდობი ღმერთს, ყველაფერი იოლია. მაგრამ როცა „მე“-ზე ხარ დაკიდებული – „მე“, „მე“... აი ეს „მე“ არის დამანგრეველი”.
ნინა პერტენავა: „...და ფსიქოლოგიაშიც არის ასეთი მიდგომა: ტვინი, ჩვენი ტვინი არის ისეთი, რომ ამტკიცებს იმას, რასაც შენ ამბობ. შენ თუ იტყვი, რომ რთულია ცხოვრება, ტვინი გეტყვის – რა თქმა უნდა, ცხოვრება რთულია. თუ იტყვი, რომ ღმერთი მომცემს, ის გეტყვის – ღმერთი აუცილებლად მოგცემს და შანსს და საშუალებას გაჩვენებს. ანუ ჩვენი ტვინი ეძებს იმას, რასაც ჩვენ მას ვეუბნებით. და ეს არის ძალიან მნიშვნელოვანი პროგრამა.100%-ით ვარ დარწმუნებული ამაში, რომ ეს მუშაობს ყოველთვის.“
თეა დარჩია: „აი, იცი რა? მუშაობს. როცა გაგიჭირდება და შუქს ვერ ხედავ მომავალში, შენი ტვინი ეყრდნობა შენს „მე“-ს“.
ინტერვიუს ნახვა სრულად შეგიძლიათ:Easy Plate • მარტივი თეფში
თეა დარჩიასა და გუჯა მათიაშვილის დიდი ოჯახი
უკვე არაერთი წელია, რაც თეა დარჩიას სახელი "სუხიშვილებს" უკავშირდება. მან სცენაზე 30 წელზე მეტი გაატარა და, მიუხედავად დიდი ოჯახისა, მსოფლიოს არაერთ ქვეყანაში მაყურებელს დაუვიწყარი ემოციები აჩუქა. ანსამბლის წამყვანი სოლისტის პოზიციიდან თეა დარჩიამ ბოლო წლებში პედაგოგის ამპლუაში გადაინაცვლა, გახსნა საკუთარი სტუდია და ახლა მსურველებს ამ სფეროში დაგროვილ ცოდნასა და გამოცდილებას უზიარებს.
თეა დარჩიას მეუღლე გუჯა მათიაშვილია. თეას არაერთხელ აღუნიშნავს, რომ, რომ არა მისი მეუღლის მხარდაჭერა და თანადგომა, მას ასეთი წარმატებული კარიერა ვერ ექნებოდა. გუჯასა და თეას 4 შვილი, მარიამი, მირიანი, იოანა და გაბრიელი ჰყავთ. დედის გზა მხოლოდ მარიამმა აირჩია და ახლა ისიც "სუხიშვილების" მოცეკვავეა. სულ ცოტა ხნის წინ ის პირველი შვილის, ლეას დედა გახდა, პროფესიასა და სცენას კი უკვე დაუბრუნდა.