ხვიჩა კვარაცხელია თვეს აჯამებს - კარიერული და ოჯახური მომენტები - Marao
მეუღლე, შვილი და მეგობრები: ახალი ფოტოები ხვიჩა კვარაცხელიას ფოტოალბომიდან
ქართველი ფეხბურთელი ხვიჩა კვარაცხელია სოციალურ ქსელში ახალ ფოტოებს აქვეყნებს, რომლითაც გასული თვე შეაჯამა.
ხვიჩამ გამომწერებს როგორც კარიერული, ისე პირადი ცხოვრების ამსახველი კადრები გაუზიარა. ფოტოების ნაწილში ჩანს მისი აქტიური სპორტული ყოველდღიურობა - ვარჯიშები, მატჩების მომენტები და ნაკრებთან ერთად გატარებული დრო.
მეორე მხრივ, ფეხბურთელმა თბილი ოჯახური კადრებიც გამოაქვეყნა, სადაც ის მეუღლესთან და შვილთან ერთად არის.
ხვიჩა სოციალურ ქსელში მსგავს შემაჯამებელ ფოტოებს ხშირად აქვეყნებს და დიდ მოწონებასაც იმსახურებს.
ხვიჩა კვარაცხელია და ნიცა თავაძე
ხვიჩა კვარაცხელია საზოგადოების ყურადღების ცენტრში ხშირად ექცევა. მისი წარმატებული კარიერა არასდროს რჩება შეუმჩნეველი. ხვიჩას ერთ-ერთი ყველაზე დიდი გულშემატკივარი მისის მეუღლე, ნიცა თავაძეა ახლა უკვე პატარა დამიანესთან ერთად.
ხვიჩა კვარაცხელიამ და ნიცა თავაძემ ერთმანეთი ჯერ კიდევ მაშინ გაიცნეს, როდესაც ხვიჩა რუბინში თამაშობდა. ახალგაზრდა წყვილის ურთიერთობა კი საბოლოოდ ქორწილით დაგვირგვინდა. წყვილმა ჯვარი სამთავროს მონასტერში დაიწერა, საქორწინო წვეულებამ კი ვიწრო წრეში, ოჯახის წევრებისა და უახლოესი მეგობრების გარემოცვაში ჩაიარა.
ნიცა თავაძე მედიასთან თითქმის არასდროს ჩნდება და სოციალურ ქსელებში დიდი აქტიურობით არ გამოირჩევა. მის შესახებ რამდენიმე დეტალია ცნობილი, მაგალითად: სკოლა 2022 წელს დაამთავრა, შემდეგ კი დავით ტვილდიანის სახელობის სამედიცინო უნივერსიტეტში განაგრძო სწავლა, თუმცა მალევე ხვიჩასთან ერთად ნეაპოლში მოუწია საცხოვრებლად გადასვლა. ამჟამად კი ოჯახი პარიზში ცხოვრობს.
შვილის დაბადების შემდეგ კვარაცხელიამ თქვა: „ჩემი ცხოვრება მთლიანად შეიცვალა! უეცრად ვიგრძენი უდიდესი პასუხისმგებლობა, რომ მამა გავხდი. ჩემი შვილის დაბადებამ უდიდესი ბედნიერება მომიტანა და ახლა ყველაფერს სხვანაირად ვუყურებ. ყოველდღე ბედნიერი ვიღვიძებ და იმედი მაქვს, რომ ყველა განიცდის ასეთ ბედნიერებას ცხოვრებაში“.