„ყველაფერი ბუნებრივი მაქვს, არანაირი ოპერაცია არ გამიკეთებია" - გოგონა პოპულარული ვიდეოდან: მარიამ სამხარაძის ინტერვიუ - Marao

სოციალურ ქსელში ვირუსულად ვრცელდება ვიდეო, სადაც ახალგაზრდა ქართველი მოდელი ტრადიციულ ქართულ სამოსში პოზირებს. კადრები თავდაპირველად TikTok პლატფორმაზე ფოტოგრაფმა ნატალია გოროზიამ გამოაქვეყნა. ვიდეომ 12 საათში 250 ათასზე მეტი ნახვა მოაგროვა - კადრებში მოდელი მარიამ სამხარაძე ჩანს. მას უამრავმა ადამიანმა ქართველი ანჯელინა ჯოლიც უწოდა. 

• ვინ არის ქართველი მოდელი, რომლის ვიდეომაც სოციალური ქსელი დაიპყრო: მარიამ სამხარაძის გზა პოდიუმზე

მშვენიერი მოდელის გარეგნობამ უამრავი ადამიანი აღაფრთოვანა, თუმცა, გააჩინა ეჭვებიც მისი ეროვნების შესახებ - უამრავ კომენტარს წააწყდებით, სადაც წერენ, რომ მარიამი არ ჰგავს ქართველს. როგორც აღმოჩნდა, მასზე ისიც დაიწერა, რომ პლასტიკური ოპერაციები აქვს გაკეთებული - თავად მარიამ სამხარაძემ ამის შესახებ „რადიო ფორტუნასთან“ გააკეთა კომენტარი და აღნიშნა, რომ ვიზუალში არაფერი შეუცვლია: 

„ყველაფერი ბუნებრივი მაქვს, არანაირი ოპერაცია არ გამიკეთებია, თმაც კი არ მაქვს შეღებილი, ბავშვობის ფოტოებიც მიდევს სოციალურ ქსელში“, - ამბობს ის. 

რაც შეეხება მარიამ სამხარაძის ეროვნებას, ის ქართველია. ამბობს, რომ ორივე მშობელს ჰგავს - დედასაც და მამასაც, მაგრამ უფრო მეტად - ბებიას, რომელიც რუსია. 

„ურთიერთობაში ვარ, დაკავებული ვარ. თაყვანისმცემლებიდან არავის ვპასუხობ. პირადზე დიდად საუბარი არ მიყვარს”, - ამბობს მარიამ სამხარაძე „რადიო ფორტუნასთან“ ინტერვიუში. 

ვინ არის მარიამ სამხარაძე

21 წლის  ქართველი მოდელი მარიამ სამხარაძე უკვე რამდენიმე წელია, ამ სფეროში წარმატებით საქმიანობს. ის არაერთი ვიზაჟისტისა თუ დიზაინერისთვის სასურველი და საყვარელი სახეა - მისი გარეგნობით აღფრთოვანებას კი ხშირად გამოხატავენ.

მარიამ სამხარაძემ აქტიური სამოდელო კარიერია 2023 წლიდან დაიწყო  - მონაწილეობას იღებდა კერძო გადაღებებსა და ადგილობრივ ჩვენებაში. მოდელის სტატუსით არაერთ გადაცემასაც სტუმრობდა.

• მოდა, როგორც ტრანსფორმაციის აქტი: Lima’s Angels-ის ფილოსოფია და გზა მილანის პოდიუმამდე

სულ ცოტა ხნის წინ, 2026 წლის 27 თებერვალს, მარიამ სამხარაძე მილანის მოდის დღეების (Milan Fashion Days) ფარგლებში პოდიუმზეც ვიხილეთ. მან ქართული ბრენდის, Lima’s Angels-ის ჩვენებაში მიიღო მონაწილეობა. 

მარიამის განსაკუთრებულ გარეგნობასა და მონაცემებს ხშირად უსვამენ ხაზს. ზოგჯერ მას ცნობილ სახეებსაც ადარებენ, მაგალითად, ამერიკელ მსახიობ ანჯელინა ჯოლისა და თურქ მსახიობ ჰილალ ალთინბილექს.