ღამის ნიღბები სახეზე გამონაყარის მოსარჩენად - Marao

ძლიერმოქმედი შემადგენლობის გამო ამ ნიღბის დადება რეკომენდებულია კონკრეტულად იმ ადგილებზე, სადაც ანთებითი პროცესი მიმდინარეობს. ამიტომაც ნიღბის პრობლემურ ადგილებზე წასასმელად გამოიყენეთ ყურის საწმენდი ჩხირები.

თუ თქვენი სახე გამონაყარისგან "აფეთქებულია" და ადგილიც არ გაქვთ, რომ მუწუკი არ გქონდეთ კანზე, ამ ნიღბის მთელ სახეზე წასმა შეგიძლიათ, ოღონდ დილით ადგომისთანავე უნდა ჩამოიბანოთ და წაისვათ დამატენიანებელი კრემი ან ნიღაბი: მაგალითად, თანაბარი რაოდენობით აიღეთ ალოეს წვენი ან გელი ("ალოე ვერა") და კიტრის წვენი, დაუმატეთ 25-30 წვეთი ჩაის ხის ზეთი. ეს ნიღაბი შესანიშნავად ატენიანებს კანს.

ახლა კი გამონაყარის მოსარჩენი ნიღბების რეცეპტები:

1. ერთმანეთში შეურიეთ არა ძვირად ღირებული კბილის პასტა (არა გელი) და ნახევარი ჩაის კოვზი ჩაის ხის ზეთი.
2. კოსმეტიკურ ან ბავშვის ტალკს (შესაძლებელია, იყოს ბალახებით) დაუმატეთ 3%-იანი წყალბადის ზეჟანგი (სტანდარტული კაფსულა), კარგად აურიეთ ერთმანეთში და წაისვით გამონაყარზე.
3. 100 მლ 3%-იან წყალბადის ზეჟანგს შეურიეთ 10 მლ ჩაის ხის ზეთი (ასევე სტანდარტული კაფსულა), კარგად აურიეთ და წაისვით გამონაყარზე.
4. თუთიის პასტაში (და არა კრემში) შეურიეთ კალენდულას სპირტის ნაყენი და ურიეთ თხელი კრემის კონსისტენციის მიღებამდე.

რჩევა: იმისათვის, რომ ერთი-ორი მუწუკი მთელ სახეზე არ გავრცელდეს, დაივიწყეთ უხეში პირსახოცები, მით უმეტეს, ისინი, რომლებსაც მთელი ოჯახი იყენებს. პირის გასამშრალებლად გამოიყენეთ ერთჯერადი ხელსახოცები. ასევე, ხშირად ცვალეთ ბალიშის პირი და სხვა თეთრეული, მათ შორის, ღამის პერანგები და პიჟამები. განსაკუთრებით მაშინ, თუ სხეულის კანიც მიდრეკილია გამონაყარისკენ.