"X ფაქტორის" ჟიურის წევრმა სტეფანე მღებრიშვილმა "ფეისბუქის" საკუთარ გვერდზე დამაინტრიგებელი პოსტი გამოაქვეყნა - ქრისტინე იმედაძესთან ერთად გადაღებულ ფოტოს დაურთო წარწერა: "საიმონის მოლოდინში".
ბუნებრივია, ამან სოციალური ქსელების მომხმარებლების და შოუს მაყურებლების მხრიდან ინტერესი გამოიწვია - მართლა ჩამოდის თუ არა საქართველოში მეგაშოუს ბრიტანელი პროდიუსერი და "X ფაქტორის" ავტორი საიმონ ქოუელი? მით უმეტეს, ცნობილია, რომ საიმონი ძალიან გულშემატკივრობს შოუს ქართულ ვერსიას - მან ვიდეომიმართვაც კი გამოგზავნა - უყურეთ "X ფაქტორს" ყოველ ორშაბათს "რუსთავი 2"-ზეო.
ჩვენ ვეცადეთ, სიმართლე გაგვერკვია. შოუს ქართველი პროდიუსერები საქართველოში არ იმყოფებიან, ამიტომ კომენტარი სტეფანეს ვთხოვეთ. მით უმეტეს, რომ სწორედ მისმა გამოქვეყნებულმა პოსტმა გამოიწვია აჟიოტაჟი.
სტეფანე მღებრიშვილი: "დიახ, უნდა ელოდოთ საიმონს! ნახეთ მომდევნო გადაცემები. წინასწარ დეტალებს არ ვიტყვი, ამის უფლება არ მაქვს. თან ინტრიგა ხომ უნდა იყოს?!
- საიმონში გიორგი გაბუნია ხომ არ იგულისხმე? თან, მაყურებლები გაბუნიას საიმონ გაბუნიასაც ეძახიან ხოლმე.
- მე საერთოდ ვერ ვაკავშირებ გიორგი გაბუნიას საიმონთან, აბსოლუტურად განსხვავებული ტიპაჟები არიან. შეიძლება გაბუნია ცდილობს, რომ საიმონის როლი მოირგოს, მაგრამ ამ წონის კაცი ვუზივარ გვერდით, არა მგონია, პროდიუსერის როლს ამ შოუში გაბუნია უფრო კარგად ასრულებდეს.