ჩვენი ერთგული მკითხველები კვლავაც აქტიურობენ და გვაწვდიან სახლის პირობებში, ბუნებრივი ინგრედიენტებისგან მომზადებული და რაც მთავარია, ნაცადი ნიღბების რეცეპტებს.
ამჯერადაც უმარტივეს და როგორც ჩანს, ძალზე ეფექტურ ლიფტინგ-ნიღბის რეცეპტს გთავაზობთ, რომლის მომზადებაც არ გაგიჭირდებათ და შედეგით აღფრთოვანდებით.
დაგჭირდებათ:
ხაჭო;
ბანანი;
ზეითუნის ზეთი;
კივი.
მომზადების წესი:
ერთ ჩაის კოვზ ხაჭოში გასრისეთ მეოთხედი ბანანი, დაუმატეთ ½ ჩაის კოვზი ზეითუნის ზეთი და ყველაფერი ერთმანეთში ერთგვაროვანი მასის მიღებამდე აურიეთ. დაიდეთ ნიღაბი სუფთა კანზე და გაიჩერეთ 20-25 წუთი.
ახლა გაფცქვენით კივი და კანის შიდა მხრიდან ჩამოიწმინდეთ ხაჭოს ნიღაბი ზედმიწევნით კარგად.
ჯერ არ დაიბანოთ, ასე დაჰყავით 10 წუთი და შემდეგ ჩამოიბანეთ თბილი წყლით.