ბრწყინვალე კარიერის 5 წელი და ტრაგიკული სიკვდილი: ჯია კარანჯის ისტორია - Marao

ჯია მარი კარანჯი თავის უჩვეულო გარეგნობას გენებს მიაწერდა. მისი მამა ჯოსეფი წარმოშობით იტალიელი იყო, ხოლო დედის, კეტლინის მხრიდან ირლანდიური სისხლი ჰქონდა. როდესაც გოგონა მხოლოდ 11 წლის იყო, მისი მშობლები განქორწინდნენ. ჯიას მამასთან დარჩენა მოუწია. მიუხედავად იმისა, რომ კეტლინი რეგულარულად სტუმრობდა, სიცოცხლის ბოლომდე აკლდა დედობრივი სითბო.

ცნობილია, რომ 17 წლამდე ჯია სრულიად ნორმალურ თინეიჯერულ ცხოვრებას ეწეოდა და პარალელურად მამამისის სასადილოში მუშაობდა. მის ცხოვრბაში გარდამტეხი მომენტი 1978 წელს დადგა, როდესაც ფოტოგრაფმა მორის ტანენბაუმმა გოგონა ადგილობრივ კლუბში შენიშნა. კარანჯის სამოდელო კარიერა სპონტანურად შემოთავაზებული ფოტოსესიით დაიწყო - საბოლოოდ, მისი სურათები მოგვიანებით Vogue-ის ცნობილმა "პირადმა" ფოტოგრაფმა არტურ ელგორტმა ნახა.

ნიუ-იორკში გადასვლის შემდეგ, ის ლეგენდარული ვილჰელმინა კუპერის, სააგენტოს Wilhelmina Models-ის დამფუძნებლის სააგენტოს ექვემდებარება. მალე კარანჯი ყველაზე პრესტიჟული გამოცემების გარეკანებზე გამოჩნდა. ამავე პერიოდში შედგა ფოტოსესია, სადაც ჯია მეტალის ბადის მიღმა პოზირებდა – ექსპრესიული ფოტოსესია უკვდავყო 1998 წლის ფილმში Gia. მოდელის როლი ანჯელინა ჯოლიმ შეასრულა.

მიუხედავად იმისა, რომ ბავშვობაში ჯია არ გამოირჩეოდა შემწყნარებელი პერსონაჟით, ნიუ-იორკში თავს უადგილოდ თვლიდა: „ის ძალიან, ძალიან ნერვიული იყო“ - იხსენებდნენ მოდელები გოგონას პირველი კასტინგის შესახებ. მაგრამ მისი თამამი და ზოგჯერ თავხედი ქცევები ფოტოგრაფების ყურადღებას იქცევდა. სამოდელო კარიერის რამდენიმე წლის განმავლობაში გია წელიწადში 100 000 დოლარს გამოიმუშავებდა და კონტრაქტებს აფორმებდა მოდის ნამდვილ გიგანტებთან: Christian Dior, Armani, Versace, Yves Saint Laurent, Maybelline.

წარმატებასთან ერთად მის ცხოვრებაში ნარკოტიკებიც შემოვიდა და დამოკიდებულებამ მოსალოდნელი შედეგი გამოიღო. სამოდელო სააგენტოები მასთან ერთად მუშაობაზე უარს აცხადებდნენ. საბოლოოდ, ჯია კარიერას დროებით ჩამოშორდა და მშობლების ძალისხმევით დახმარებისთვის რეაბილიტაციის ცენტრს მიმართა, მაგრამ პროგრამა ერთ წელიწადში მიატოვა და 1981 წელს მოდის სამყაროში დაბრუნება გადაწყვიტა. სამწუხაროდ, არც ფოტოგრაფებს და არც პუბლიცისტებს არ სურდათ გარისკვა და უარი თქვეს შელახული რეპუტაციის მქონე მოდელთან თანამშრომლობაზე. მისი კარიერა 1983 წელს დასრულდა.

1984 წლის გაზაფხულზე გამყიდველად იწყებს მუშაობას და კოლეჯში ჩასაბარებლად ემზადება. თუმცა, იდილია დიდხანს არ გაგრძელებულა: აგვისტოში ის უკვალოდ ქრება. დაახლოებით ერთი წლის განმავლობაში ის ფაქტობრივად ქუჩაში ცხოვრობდა და ნარკოტიკებისთვის ფულის საშოვნელად პროსტიტუციით იყო დაკავებული. ჰოსპიტალიზაციის შემდეგ კი შიდსი აღმოუჩინეს.

მოდელმა სიცოცხლის ბოლო თვეები დედასთან ერთად საავადმყოფოში გაატარა. კეტლინს ქალიშვილის ავადმყოფობის შესახებ არავისთვის უთქვამს. კარანჯის მდგომარეობა სწრაფად უარესდებოდა. იგი 1986 წლის 18 ნოემბერს, 26 წლის ასაკში გარდაიცვალა.