მოდელ ჯანეტ ქერდიყოშვილისა და ტელეწამყვან ნოე სულაბერიძის ქალიშვილი ანნა სულაბერიძე "ინსტაგრამზე" უკვე პოპულარობით სარგებლობს და ერთი წლის პატარას ბევრი გულშემატკივარი ჰყავს.
ჯანეტი და ნოე ხშირად აქვეყნებენ ანნას ფოტოსა თუ ვიდეოკადრებს, რაზეც წყვილის გამომწერებს ყოველთვის დადებითი რეაქცია აქვთ და თბილ სიტყვებს არასოდეს იშურებენ პატარას მოსაფერებლად.
ჯანეტმა ამჯერად ანნას ვიდეო გამოაქვეყნა, სადაც გოგონა მამას ეძებს, ეძახის და ხელს გარეთ იშვერს. ანნას ვიდეო სამსახურში მყოფმა ნოემაც გააზიარა. როგორც ჩანს, გოგონას მამიკო ძალიან ენატრება, როცა ის სამსახურშია.
ჯანეტსა და ანნას ხშირად აცვიათ ერთნაირი ტანსაცმელი და ერთი სტილით იწონებენ თავს.
ცნობადი წყვილის გამომწერები ხშირად აღნიშნავენ, რომ ჯანეტი გოგონას განსაკუთრებული სტილის სამოსს აცმევს. "ვგიჟდები ამ ბავშვის სტილზე", "რა ლამაზია", - ამ კომენტარებს ანნას ფოტოებზე ხშირად ნახავთ.
<div> <div class="gtx-trans-icon"></div>
</div>
<div> <div class="gtx-trans-icon"></div>
</div>