როგორ მოვაშოროთ ქვაბის თავსახურს ცხიმი - Marao
როგორ მოვაშოროთ ქვაბის თავსახურს ცხიმი
როგორი სისუფთავის მოყვარულიც უნდა იყოს დიასახლისი და რაც უნდა სუფთად შეინარჩუნოს სამზარეულოში ჭურჭელი, ზეთისგან, წვენებისაგან და სხვადასხვა საკვებისგან გამოწვეული ცხიმები ქვაბის თავსახურზე გარდაუვალია. სამწუხაროდ, მისი თავიდან აცილება შეუძლებელია, თუმცა, როგორ მოვაშოროთ მარტივად, დროის დაზოგვით, „მარაო“ გიზიარებთ გამოცდილ მეთოდს.
ყველაზე მეტად ცხიმისგან ზარალდება ტაფის და ქვაბის მინის თავსახურები. თუკი არ გაქვთ ჭურჭლის სარეცხი მანქანა, რომელიც მარტივად აგარიდებთ ამ პრობლემას, ჩამჯდარი ცხიმის მოსაშორებლად ბევრი ენერგია და დრო დაგჭირდებათ. საბედნიეროდ, მივაგენით მეთოდს, რომელიც მარტივად მოაშორებს თავსახურის შიდა შრეში ჩამჯდარ ცხიმს.
თავსახური გადმოაბრუნეთ შიდა მხარეს. დაასხით წყალბადის ზეჟანგი, დაატრიალეთ თავსახური ისე, რომ სითხე გადანაწილდეს მთელ დიამეტრზე, დატოვეთ 10-15 წუთით, ზემოდან მოაყარეთ სუფრის კოვზი სოდა, აიღეთ ძველი კბილის ჯაგრისი და გადაანაწილეთ პრობლემურ ადგილებზე.
აიღეთ მცირე ზომის ნაჭერი და ჩამოაცვით დანის პირს, რომელიც მისწვდება თავსახურის კიდეებს. მოატარეთ მთელ ზოლზე, შემდგომ კი თავსახური ჭურჭლის სარეცხი საშუალების მეშვეობით გარეცხეთ, გადაავლეთ წყალი, სუფთა თავსახური კი მზად არის ხელახალი გამოყენებისთვის!
ეს მეთოდი ბევრ დიასახლისს მოსწონს, ვინაიდან არ საჭიროებს ბევრ ფინანსებს სხვადასხვა სარეცხი საშუალების შესაძენად. ამასთანავე, დაზოგავთ დროსა და ენერგიას.
გაგვიზიარეთ შედეგი!
