გახსოვთ, რას მიირთმევენ თქვენი საყვარელი წიგნის გმირები? ამერიკელმა სტუდენტმა დინა ფრაიდმა ფოტო გადაუღო 10 ლიტერატურულ ნაწარმოებში ნახსენებ კერძებს.
1. ჰარპერ ლი "ვინ მოკლა ჯაფარა"
სამზარეულოს მაგიდა გადატვირთული იყო სხვადასხვა კერძით: სქლად დაჭრილი შებოლილი ღორის ნაჭრები, პომიდორი, ბარდა, და ყურძენიც კი".
2. ჯეკ კერუაკი "გზაზე"
"ვაშლის ღვეზელი მივირთვი ნაყინთან ერთად. რაც უფრო მეტად ვუახლოვდებოდი აიოვას, უკეთესი და უკეთესი ხდებოდა, ღვეზელები _ დიდი, ნაყინი _ სქელი".
3. ჩარლზ დიკენსი "ოლივერ ტვისტი"
"აგენტთან შეთანხმდნენ, რომ დღეში სამჯერ მიართმევდა თხელი ფაფის ულუფას, კვირაში ორჯერ ხახვს და კვირაობით ნახევარ ფუნთუშას".
4. სტიგ ლარსონი "გოგონა დრაკონის ტატუთი"
"მოშიებული სამზარეულოში შევიდა და ყავის აპარატი ჩართო. რამდენიმე საათის უჭმელი იყო, მოიმზადა სამი მოზრდილი ბუტერბროდი _ ყველით, ხიზილალითა და მოხარშული კვერცხით".
5. ლუის კეროლი "ალისა საოცრებათა ქვეყანაში"
"მარტის ბაჭიამ დაფიქრებული იერით საათი ჩაიში ჩააწო, შემდეგ მოწყენილმა დახედა. უკეთესი რომ ვერაფერი მოიფიქრა, წარმოთქვა: "იცით, ეს საუკეთესო კარაქი იყო!"
6. ჯერომ სელენჯერი "თამაში ჭვავის ყანაში"
"სტუმრად ყოფნისას ყოველთვის მივირთმევ ბუტერბროდს შვეიცარიული ყველით და ფინჯან რძეს. უმნიშვნელოა, მაგრამ რძეში უამრავი ვიტამინია".
7. ჰერმან მელვილი "მობი დიკი"
ამ წვნიანს ნაწარმოების ერთი თავი აქვს მიძღვნილი. ზღვის პრიდუქტების კერძს ცჰოწდერ ჰქვია.
8. სილვია პლატი "მინის გუმბათის ქვეშ"
"ავოკადო ჩემი სავარელი ხილია. მისი ჭამა ბაბუამ მასწავლა. რბილობი წვენთან ერთად ღრმა თეფშზე უნდა გადმოიღო, კარგად ათქვიფო, შემდეგ ისევ ნაყოფის ქერქში ჩააბრუნო და მიირთვა".
9. სპირი იოჰანა "ჰაიდი ანუ ჯადოსნური მდელო"
"მოხუცმა ცეცხლს მიუშვირა რკინის ჩანგალზე წამოცმული ყველის მოზრდილი ნაჭერი და მანამდე ატრიალა, სანამ ყველი ყველა მხრიდან ოქროსფერი დაბრაწული ქერქით არ დაიფარა".
10. მარსელ პრუსტი "დაკარგული დროის ძიებაში"
"ნიჟარის ფორმის ორცხობილა შეიძლება საკონდიტროს დახლებზეც შემინიშნავს, მაგრამ მხოლოდ მათი გასინჯვის დროს მიმძაფრდებოდა მოგონებები".
კომენტარებში გაგვიზიარეთ რომელი კერძი გაგახსენდათ ლიტერატურული ნაწარმოების წაკითხვისას.