მარტივად მოსამზადებელი ვახშამი მათთვის, ვინც დუკანის დიეტას იცავს - Marao

დუკანის დიეტა ერთ-ერთი ყველაზე პოპულარული და ეფექტური დიეტაა. ის კვების განსაკუთრებულ რეჟიმსა და სპეციფიკურად მომზადებულ „დუკანურ კერძებს“ საჭიროებს. სოციალურ ქსელში, დიეტის ჯგუფებში მომხმარებლები ერთმანეთს რეცეპტებს უზიარებენ.
გადავწყვიტეთ, შემოგთავაზოთ იმ კერძების მარტივი რეცეპტები, რომლებიც დუკანის დიეტის დროს შეგიძლიათ მიირთვათ.

კვერცხი პომიდვრით

ინგრედიენტები

• 4 კვერცხი
• საშუალო ზომის 1 ხახვი
• 4 პომიდორი
• 3 სუფრის კოვზი თბილი წყალი
• რამდენიმე ფოთოლი რეჰანი, მარილი და პილპილი

მომზადების წესი:

ტაფაზე უზეთოდ მოხრაკეთ ხახვი, დაააყარეთ წვრილად დაჭრილი პომიდორი, დაასხით წყალი, დაახურეთ თავი და გააჩერეთ 10-15 წუთი დაბალ ცეცხლზე. თუ ძალიან გამოშრება, კვლავ დაასხით წყალი.

დაუმატეთ რეჰანი და კარგად აურიეთ. დაახალეთ 4 კვერცხი. მოაყარეთ მარილი, პილპილი.

კერძი მზადაა მაშინ, როცა კვერცხის ცილა გამაგრდება.

გემრიელად მიირთვით!

ქათმის გულ-ღვიძლი საკმაზით (დუკანის დიეტა)