მოამზადეთ შოკოლადის ნაყინი მარტივად, ყოველგვარი ქიმიკატის გარეშე.
ინგრედიენტები:
- რძე 100 მლ
- ნაღების კარაქი 80 გ
- რძიანი შოკოლადი 90 გ
მომზადება:
- ღრმა ჭურჭელში, რომელიც შეიძლება რომ შედგათ საყინულეში, ჩაასხით რძე და დაუმატეთ დარბილებული კარაქი.
- შეაცხელეთ ინგრედიენტები მიკროტალღურ ღუმელში.
- კარაქი ბოლომდე უნდა დარბილდეს, რძე - გაცხელდეს, მაგრამ არ უნდა ადუღდეს.
- მსხვილ სახეხზე გახეხეთ გაცივებული შოკოლადი, დაასხით ცხელი მასა და კარგად აურიეთ, რომ შოკოლადი გადნეს.
- მიქსერით ან ბლენდერით ათქვიფეთ მიღებული მასა და მიიყვანეთ ნაღების კონსისტენციამდე (დაახლოებით 8 წუთი დაგჭირდებათ).
- შედეთ საყინულეში 40 წუთი. რომ გამოიღებთ, კიდევ ერთხელ კარგად ათქვიფეთ. უნდა გამაგრდეს. მზა ნაყინი გადაიღეთ სანაყინეებში და მოახეხეთ შოკოლადი და თხილი.
გემრიელად მიირთვით!