გინდა რომანტიკული საუზმე მოუმზადო შენს საყვარელ ადამიანს? ჩვენ ვიცით, როგორ მოახერხო ეს მარტივად. შევარჩიეთ ისეთი პროდუქცია და აქსესუარები, რომლებსაც ვალენტინობის გარდა, სხვა დღეებშიც კარგად გამოიყენებ.
ტაფა
- ჩვეულებრივი საუზმე კვერცხისგან მოამზადო და ხელოვნების ნიმუშად აქციო მინიმუმ "ინსტაგრამისთვის". ამაში დაგეხმარება გულის ფორმის ტაფა ან სპეციალური საცხობი ფორმები. ასეთი საუზმე განწყობას აგიმაღლებს და მშიერსაც არ დაგტოვებთ.
ფონდიუ
- დილაობით ხილის მირთმევა გიყვარს? მაშინ ფონდიუ გესაჭიროება. გაადნე რძიანი შოკოლადი, დაჭერი ბანანი, კივი და სხვა ხილი სურვილისამებრ და ჩააწე თბილ შოკოლადში.
ჭიქები
- დაიწყეთ დილა საყვარელი ყავით ან ჩაით გულის ფორმის ჭიქებში. უმჯობესია, მოამზადო კაკაო! ზემოდან შეგიძლია გააფორმო მარშმელოუებით.
თეფშები
- სულერთია, რომელ კერძს მოამზადებ! გულის ფორმის თეფშზე ერბოკვერცხიც, ომლეტიც და ცხელი ბუტერბროდებიც საყვარლად გამოიყურება.
ვაფლის საცხობი
- უბრალოდ წარმოიდგინე: ახლად გამომცხვარი ვაფლი, დაფარული მოხარშული რძით ან თაფლით და გაფორმებული ხილით. ძალიან ლამაზად და გემრიელად გამოიყურება. ასეთი ვაფლების გამოსაცხობად კი ვაფლის პატარა საცხობი დაგჭირდება.
ტრაფარეტები სასმლისთვის
- იმისათვის, რომ ყავის ზედაპირზე ლამაზი ნახატი გქონდეს, სულაც არ არის საჭირო, ხატვის ნიჭით იყო დაჯილდოებული. სპეციალური ტრაფარეტების მეშვეობით მარტივად და უცებ მოხატავ რძის მეშვეობით. არ დაგავიწყდეს ამისათვის მოამზადო კაკაო!
წყარო