დილა ორისთვის: 5 რომანტიკული საუზმის იდეა, რომლებიც აუცილებად უნდა სცადოთ

დილა ორისთვის: 5 რომანტიკული საუზმის იდეა, რომლებიც აუცილებად უნდა სცადოთ
დილით საუზმის მომზადებით და საწოლში მიტანით შეგიძლიათ საყვარელი ადამიანის გული გაახაროთ. მეორე მხრივ, საყვარელ ადამიანს შეუძლია თქვენს ამ ჟესტს ასევე გემრიელი დაფით უპასუხოს. გთავაზობთ საუზმის ხუთ მარტივ ვარიანტს, რომ დილა ერთად სასიამოვნოდ დაიწყოთ:

ტოსტი და ყავა

თუ თქვენ დილით ადგომა ძალიან გეზარებათ საყვარელი ადამიანისთვის გასტრონომიული სასწაულის მოწყობისთვისაც კი, მაშინ აირჩიეთ სწრაფი და ეფექტური ვარიანტი - ტოსტი ფორთოხლის ჯემით და ამერიკანო ათ წუთში მომზადდება. გირჩევთ, ყურადღებით იყოთ ორივე მათგანთან და ნუ გადაწყვეტთ აბაზანის მიღებას, სანამ ისინი
მზადდება, რადგან მარტივად შეიძლება რომანტიკული ვახშმის ნაცვლად უბრალოდ ნახშირი შეგრჩეთ.

კრუასანი და კაპუჩინო

თუ სამზარეულოში ტრიალი თქვენი ძლიერი მხარეა, იდეალური იქნება, კრუასანი თავად გამოაცხოთ, მაგრამ უარს პარტნიორი არც ნაყიდზე იტყვის. თუ მაინც გსურთ, საუზმეში საკუთარი სიყვარული ჩააქსოვოთ, გამოაცხვეთ გულის ფორმის ფუნთუშები. თუ არ დააკმაყოფილებს თქვენი მამაკაცის მადას, დარწმუნებული იყავით, რომ აუცილებლად გაადნობს მის გულს. და აუცილებლად - ყავა საწოლში. ეფექტის გასაძლიერებლად, შეგიძლიათ იყოთ შემოქმედებითი და დახატოთ რაიმე სახის ნახატი ქაფზე. გახეხილი შოკოლადი, თხილი და დარიჩინი კარგი ვარიანტია ამისთვის.



ფაფა და კოქტეილი

შვრიის ფაფა კენკრით და შოკოლადით, მიუსლი ან სიმინდი - ეს თქვენი არჩევანია. ჯანსაღი დღის დასაწყებად ეს საუკეთესო გამოსავალია, მით უფრო, თუ არ დაგეზარებათ, რომ გემრიელი და სასარგებლო სმუზი საკუთარი ხელით მოამზადოთ და ამით დილა კიდევ უფრო ხალისიანი გახადოთ.

ჩაი და ყველის სენდვიჩი

რა თქმა უნდა, ზემოთ ჩამოთვლილი საუზმეები ძალიან რომანტიკულია, მაგრამ თუ თქვენს პარტნიორს განსაკუთრებული მადა აქვს და ფუნთუშები მისთვის უბრალოდ დესერტია, მოამზადეთ ყველის სენდვიჩი ბეკონითა და მწვანილით. შეგიძლიათ რომანტიკული დეტალისთვის შეწვათ კვერცხი გულის ფორმაში.

შამპანური და მარწყვი

თუ წინა დღეს მეგობრის დაბადების დღიდან, ქორწილიდან ან სხვა წვეულებიდან გვიან დაბრუნდით და ახალგაღვიძებულს რომანტიკა სულაც არ გჭირდებათ, გამოგადგებათ კლასიკური „შამპანური და მარწყვი კრემით“.


FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif
გამოკითხვა
რას ელოდებით ახალი წლისგან?
არქივის კალენდარი
ორ სა ოთ ხუ პა შა კვ
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
e87a93