საახალწლო ბრაუნის რეცეპტი ნუცა სურგულაძისგან - Marao

საზოგადოებისათვის უკვე კარგად ცნობილი შეფ-მზარეული ნუცა სურგულაძე სოციალურ ქსელში საკმაოდ აქტიურია. იგი ხშირად უზიარებს თავის გამომწერებს სხვადასხვა სახის კერძისა თუ დესერტის რეცეპტებს. ამჯერად ნუცამ საზოგადოებას საახალწლო ბრაუნის რეცეპტი გაუზიარა. მოამზადეთ დესერტი, რომელიც სადღესასწაულო განწყობას ერთიორად აგიმაღლებთ:

ინგედიენტები:

200 გრ შოკოლადი

60 გრ კარაქი

60 გრ ზეთი

3 ცალი კვერცხი

180 გრ შაქარი

50 გრ კაკაო

100 გრ ფქვილი

მწვანე ფროსტინგი

100 გრ ფროსტინგი

30 გრ შაქრის პუდრა

3 გრ საღებავი

მომზადება:

პირველ რიგში, შოკოლადი უნდა გავადნოთ კარაქთან ერთად ორთქლზე ან მიკროტალღურ ღუმელში, დაახლოებით, ორი წუთის განმავლობაში. გამდნარი მასა კი კარგად შევურიოთ ერთმანეთში. ცალკე ჯამში ექვსი ცალი კვერცხი ავთქვიფოთ შაქართან ერთად. სასურველი მასის მიღების შემდეგ დავუმატოთ ზეთი და კარგად მოვურიოთ. მიღებულ მასას დავამატოთ გამდნარი შოკოლადი, კაკაო და ფქვილი. მიღებული ცომის მასა დავასხათ ტაფაზე და გახურებულ ღუმელში გამოვაცხოთ 180 გრადუსზე, დაახლოებით, 45 წუთის განმავლობაში. სანამ ბრაუნი ცხვება, მოვამზადოთ ფროსტინგი, რისთვისაც დაგვჭირდება კრემყველი ან მაღალპროცენტიანი არაჟანი, რომელსაც უნდა შევურიოთ შაქრის პუდრა და მწვანე ბუნებრივი საღებავი. მიღებული მწვანე ფროსტინგი ჩავასხათ გასაფორმებელ ტომარაში. ამასობაში კი უკვე გამომცხვარი ბრაუნი გავაციოთ, დავჭრათ პატარა სამკუთხედებად და გავაფორმოთ მწვანე ფროსტინგით. საახალწლო ბრაუნი მზადაა. გემრიელად მიირთვით.

ავტორი: მარიამ ჭანტურია