როგორ ექცევით თმას? რომელ ვარცხნილობას იკეთებთ ორშაბათს დილით? ფსიქოლოგების აზრით, თქვენი ვარცხნილობა თქვენი პიროვნების ინდიკატორია.
მოდი, გავერკვეთ. გადახედეთ ტესტს და ის ვარცხნილობა ამოარჩიეთ, რომელსაც ყველაზე ხშირად იკეთებთ.
1. რომანტიკული და მიმზიდველი
გულის სიღრმეში რომანტიკული ნატურა ბრძანდებით. ყოველთვის მზად ხართ ახალი შთაბეჭდილებებისა და სიახლეებისთვის. ადამიანებში მუდამ სიკეთის დანახვას ცდილობთ. თქვენი ოპტიმიზმი და რომანტიკული განწყობა გარშემო მყოფებზე ჯადოსნურად მოქმედებს. გარდა ამისა, გარეგნულადაც საკმაოდ მიმზიდველი ხართ
(ლამაზი სახის ნაკვთები გაქვთ) და მუდამ იქცევთ მამაკაცების ყურადღებას.
2. ერთგული და ღირსეული
უსაზღვრო ენერგია და იუმორის გრძნობა გაქვთ. ამასთანავე, ახლობლების მიმართ საოცრად ერთგული ხართ. მათი გულისთვის უკან არაფერზე დაიხევთ. თავად არ გაგანაწყენებთ თქვენი მისამართით ნათქვამი ცუდი სიტყვა. მუდამ თავაწეული და მხრებში გამართული დადიხართ.
3. ამაყი და მიზანსწრაფული
საკუთარ თავზე საუბრისას სიამაყის გრძნობით ივსებით. საამაყოც გაქვთ: გარეგნობაც და მიღწევებიც. იცით, რომ სასურველის მისაღწევად შრომა მოგიწევთ. ამიტომ საკუთარ თავს ახალ-ახალ მიზნებს უსახავთ და ვერ იტანთ, როცა გიცოდებენ. დაცვას არ საჭიროებთ, რადგან სტრესს დაქალებსა და ზოგიერთ მამაკაცზე უკეთესად უმკლავდებით.
4. პრინციპული და ძლიერი
უცხოებთან უხეში ხართ, მაგრამ ახლობლებთან საოცრად გულისხმიერი და კეთილი. არც ცდილობთ გარშემო მყოფების კონფლიქტში ჩათრევას, მაგრამ არც არავის დააჩაგვრინებთ თავს. თუ უსამართლობის მომსწრე გახდით, გაჩუმებას ვერავინ გაიძულებთ.
5. გამომგონებელი და ორიგინალური
მდიდარი შინაგანი ბუნების პატრონი ხართ. როცა ბედნიერი ხართ, ახალ-ახალ შემოქმედებით პროექტზე მუშაობთ. თქვენმა ახლობლებმა იციან, რომ მუდამ ორიგინალური და უჩვეულო საქმიანობით ხართ დაკავებული.
6. მხიარული და საიმედო
ნამდვილი "სოციალური პეპელა" ხართ. თქვენთვის პრიორიტეტულია ოჯახი და მეგობრული ურთიერთობები. საიმედო და კეთილი მეგობარი ხართ. მზად ხართ, მოისმინოთ ახლობლების პრობლემები და შეძლებისდაგვარად დაეხმაროთ მათ.
7. ყურადღებიანი და გულისხმიერი
მუდამ მზად ხართ სხვების მოსასმენად. ყოველდღიურ ცხოვრებაში დიდ ყურადღებას უთმობთ წვრილმანებსა და ისტორიებს. დაკვირვებული ხართ. გიყვართ ქათინაურები და ყურადღების ცენტრში ყოფნა. გარშემო მყოფები სილამაზის გამო კი არა, სულიერებისა და ლიდერული თვისებების გამო გაფასებენ.
8. მახვილგონიერი და მომხიბვლელი
ჩუმად ყოფნასა და გარშემო მყოფებზე დაკვირვებას ამჯობინებთ, საკუთარ აზრს იშვიათად გამოთქვამთ, მაგრამ როგორც კი მომენტი ჩაგივარდებათ, იუმორის გრძნობასაც გამოამჟღავნებთ და მახვილგონიერებასაც. ტაქტიკული და მომხიბვლელი ხართ. ცხოვრების ერთ-ერთ სიამოვნებას ახალი ადამიანების გაცნობა წარმოადგენს. გიყვართ წვეულებებზე სიარული და ახლობლებისთვის განწყობის ამაღლება.
9. საფუძვლიანი და დისციპლინირებული
მუდამ ელეგანტური და თავშეკავებული ხართ. ყველაფერს აკონტროლებთ. მუდამ იცით, რა უნდა გააკეთოთ. ყოველდღიურ ცხოვრებაში გაუთვალისწინებელი ნაბიჯების გადადგმა არ გახასიათებთ. შეიძლება თავშეკავებულობის გამო ადამიანებთან დაახლოება გაგიჭირდეთ.
10. ინტელექტუალური და შემოქმედებითი
ბევრი ადამიანი თქვენსავით ვერ აფასებს სილამაზეს. დიზაინი, არქიტექტურა, კოლორისტიკა - აი, თქვენთვის საინტერესო სფეროები. ვერ იტანთ უგემოვნობას და ადამიანებს, რომლებიც საკუთარ თავს არ უვლიან. გიყვართ ესთეტიკური ადამიანების დამეგობრება.
11. მშვიდი და მზრუნველი
გააზრებული და გაწონასწორებული ხართ. მოგწონთ ადამიანები, რომლებიც ბუნებრივად და ლაღად იქცევიან. ბუნებით პედაგოგი ხართ, რომელიც არ აკრიტიკებს გარშემო მყოფებს და ცდილობს, დაეხმარს მათ. ადამიანებს ისეთებად იღებთ, როგორებიც არიან. ამიტომაცაა, რომ ისინი იხსნებიან თქვენთან და საკუთარი პრობლემების შესახებ გიყვებიან.
12. ორგანიზებული და დამოუკიდებელი
საოცრად ორგანიზებული ადამიანი ხართ და გარშემო ყველაფერი აკურატულად უნდა იყოს განლაგებული. აგრეთვე, აფასებთ სისადავეს. გარშემო მყოფების პრობლემების შესწავლით დაინტერესებული არ ხართ. ამ მხრივ ცოტა ეგოისტურად იქცევით. თქვენ ხართ იდეალური პარტნიორი მამაკაცისთვის, დამოუკიდებელი და არა მომაბეზრებელი.
13. ოპტიმისტი და ენთუზიასტი
იუმორისა და ოპტიმიზმის გრძნობა ბუნებამ მოგანიჭათ. თუმცა საკმაოდ სქელკანიანი ხართ და თქვენი წყენინება ან გაღიზიანება არც ისე ადვილია. საკუთარ თავს არავის დააჩაგვრინებთ. თითოეულ დღეს ისე ცხოვრობთ, თითქოს ეს თქვენი უკანასკნელი დღე იყოს. თქვენ იცით, რომ ბედნიერება წვრილმანებშია.
14. პრაქტიკული და გულწრფელი
მიწაზე მყარად დგახართ. თავს არიდებთ ზედმეტ საქმესა და ადამიანებს, რომლებსაც ნეგატივის მეტი არაფერი მოაქვთ ცხოვრებაში. ურთიერთობას გააბამთ იმ ადამიანთან, რომელშიც დარწმუნებული ხართ, რომ იზრუნებს თქვენზე. თქვენ გარშემო ისეთივე გულწრფელი ადამიანი არიან, როგორიც თავად ხართ.
15. ადამიანი - ბალანსი
ცხოვრება გაწერილი გაქვთ. მუდამ გრაფიკით ხელმძღვანელობთ. თუმცა, რომანტიკულიც ხართ, ოცნება გიყვართ. თქვენი უნივერსალური თვისება ისაა, რომ ნებისმიერი პრობლემის მოგვარება შეგიძლიათ.
16. მშვიდი და გაწონასწორებული
მშვიდი, ცივსისხლიანი და ძლიერი პიროვნება ხართ. თუმცა, კარგად გამხიარულების შანსს ხელიდან არ გაუშვებთ. ის, რაც თქვენ გარშემო ხდება, არასდროს გაკარგვინებთ წონასწორობას. თქვენი გაბრაზება რთულია, ისევე, როგორც მამაკაცებს უჭირთ თქვენთვის თავის შეყვარება. ხოლო, თუ შეგიყვარდებათ, ნამდვილი გრძნობით.
17. ენერგიული და კონცენტრირებული
ძლიერი ხასიათი გაქვთ, თუ დაისახეთ მიზანი, მის მისაღწევად უკან არაფერზე დაიხევთ. გარშემო მყოფები გაფასებენ და გულის სიღრმეში სურთ, თქვენნაირი იყვნენ. თუმცა, თქვენნაირი მეორე არც მოიძებნება.