ანუკი არეშიძე, თამამად შეიძლება ითქვას, რომ ერთ-ერთი წარმატებული ქართველი დიზაინერია თანამედროვე მოდის სამყაროში, რომლის ჩვენებებს წლიდან წლამდე, მთელი მსოფლიოს მასშტაბით, არაერთი ცნობილი დიზაინერი და მოდის ექსპერტი ელოდება. განსხვავებული ლოკაციები, მომაჯადოებელი მუსიკა - სხვა რა არის საჭირო დაუვიწყარი დეფილესთვის?
დიზაინერმა მოწვეულ სტუმრებს მარადმწვანე მცენარის - ნაძვის ნერგები დაახვედრა. ლოკაციაც ბუნების წიაღში, ნაძვებით გაწყობილ გარემოში იქნა შერჩეული. ანუკიმ თავისი ახალი კოლექცია სინაზითა და ქარიზმატულობით შეავსო: თეთრი ფერის ორეულებს, სალათისფერ, ფოსფორისფერ ყვითელ საღამოს კაბებსა და ვარდისფერი პრინტებით გაწყობილ ჰაეროვან კაბებზე, მოდელებმა დიზაინერის მასიური ბაფთებიანი, დაბალქუსლიანი ფეხსაცმელები მოირგეს, ხოლო აქსესუარის სახით თვლებით გაწყობილი ყელსაბამები ამშვენებდათ.
მომავალი წლის აქტუალური ტრენდი ანუკის სტილში კი უკვე ყველასათვის კარგად მისახვედრია, თუ რა იქნება: მეტი სითეთრე, ფოსფორი, ბაფთა და თვლები.
მოდის მიმდევარ გოგონებს კი ისღა დაგვრჩენია, ჩავინიშნოთ და გარდერობი მოვამზადოთ აქტუალურ ტენდენციურ ლუქებზე დაყრდნობით.