სტერეოტიპების კვალდაკვალ, ზამთარი - საუკეთესო პერიოდია ქვედაბოლოების ჩაცმის კუთხით, განსაკუთრებით, თუკი ტყავის არის. ამ სეზონზე დიზაინერები გვთავაზობენ მიდი-ქვედაბოლოებს, ხოლო სტილისტები - უჩვეულო მატერიის ნაჭრებს. „მარაოს“ რედაქცია გიზიარებთ, რომელ ქვედაბოლოებზე ღირს „ნადირობა“ წინასაახალწლო ფასდაკლებებზე და რაც მთავარია, რას შევუსაბამოთ ისინი.
პერანგთან ერთად
- ყველაზე ხშირი შეხამება - ტყავის ქვედაბოლო და პერანგია. ამ შემთხვევაში „ქვედა“ უნდა იყოს მაქსიმალურად მარტივი და ლაკონური, ხოლო „ზედაზე“ ექსპერიმენტების ჩატარება ნამდვილად მისაღებია. ეცადე, ატარო ვიქტორიანული სტილის პერანგები, ტოპები მაცულობითი მკლავებით ან ოვერსაზ-ზედები შენი შეყვარებულის კარადიდან. რაც შეეხება ფეხსაცმელს, უმჯობესია შეარჩიო ჩექმები მუხლს ზემოთ ან ბოტფორდები ქუსლზე.
ტყავის TOTAL LOOK
- ამ ზამთარს შეგიძლია თამამად შეიმოსო მთლიანად ტყავებში. განსაკუთრებით კარგი იქნება, თუკი გარდერობს შემატებ პასტელური ფერის ან გველის პრინტის ქვედაბოლოებს, რომელიც თავისუფალი სტილის კოსტიუმებს და ჩექმებს იდეალურად შეავსებს. არ დაგავიწყდეს აქსესუარები - მკვეთრი ჩანთა Jacquemus А4-ის სტილში და მასიური ჯაჭვი-ყელსაბამი.
ზამთრის ზედებთან
- ყოველდღიური სეირნობებისთვის და მეგობრებთან შეხვედრებისთვის შეიძინეთ ჩაჭრილი ქვედაბოლო კომფორტულ ზედასთან ერთად Acne Studios-ს ან Ganni-ს სტილში, ხოლო ლუქს დაასრულებს მაღალყელიანი თეთრი ჩექმები მყარ ქუსლზე და დაწნული ბესთსელერი Bottega Veneta-სგან.
წყარო
