გთავაზობთ ცნობილი იტალიელი დიზაინერის, ჯორჯო არმანის რჩევებს:
გამოსცადეთ საკუთარ თავზე ვერტიკალური ხაზების წარმოუდგენელი ზემოქმედება. გრძელი კაბა, მსუბუქი, გახსნილი ლაბადა, ღილები - ერთ მწკრივად - აი, რა ხდის სილუეტს უფრო მაღალს და მოხდენილს.
მიაქციეთ სათანადო ყურადღება ბიუსტჰალტერს. მას ფ
გამოიყენეთ მკვეთრი აქცენტი ერთი ტონის სამოსში. ეს შეიძლება იყოს ტოპი, შარფი, ქვედაბოლო ან ქურთუკი. აქცენტების სწორი გადანაწილება - საუკეთესო საშუალებაა, დაჩრდილოთ სხეულის ის ნაწილი, რომლითაც უკმაყოფილო ხართ.
დარწმუნდით, რომ ღილები მუცლის ყველაზე გამობურცულ ნაწილზე მდებარეობს. სხვაგვარად, მუცელი ტანსაცმლის "ბორტებს" ასწევს და კიდევ უფრო შესამჩნევი გახდება.
ერიდეთ მსუბუქ ქსოვილებს, რომლებიც შესამჩნევად გამოკვეთავს ნებისმიერ ფორმებს. მიაქციეთ ყურადღება მყარ ქსოვილებს, რომლებიც სხეულს კორსეტის მსგავსად დააფორმირებს.
სხეულის იერსახეზე შერჩეული ჩანთის ზომაც კი მოქმედებს. რაც უფრო დიდია ჩანთა, მით უფრო მოხდენილი გამოჩნდებით.
ბრჭყვიალა ქსოვილი არა მხოლოდ იპყრობს ყურადღებას, არამედ გამოკვეთავს სხეულზე ყველა ცხიმის ნადებს. ამიტომ უმჯობესია, ერიდოთ მას.
ასიმეტრიული თარგის სამოსი დაფარავს გამობურცულ მუცელს და მომგებიანად გამოკვეთავს ფეხის სიგრძეს.
