რაც უფრო ახლოვდება ახალი წელი, უფრო ხშირად გვიწევს ფიქრი ჩაცმის საკითხზე. ჩაინიშნეთ 4 მოდური და აქტუალური ვარიანტი, რომელიც მოუხდება როგორც კორპორატიულ წვეულებას, ისე ახალი წლის ღამეს, მეგობრებთან შეხვედრასა და ქალაქგარეთ დასვენებას.
- კორპორატიულის აუთფიტის მოფიქრებისას, გათვლა გააკეთე ხავერდის კომპლექტზე, ჩვეულებრივი კოსტიუმი-ორეულის ნაცვლად. Pantone-ს ვერსიით ფაქტურით თამაში კლასიკურობის ფონზე, ცისფერი განსაკუთრებულ ელფერს შემატებს თქვენს იმიჯს. სადღესასწაულო განწყობაზე პასუხისმგებლობას იღებს პაიეტებით გაწყობილი ტოპი და მეტალისდეტალებიანი ფეხსაცმელები. სხვათა შორის, ეს ლუქი შენს ყოველდღიურობაშიც მშვენივრად ჩაჯდება: მასიური კედები და ლაბადა შეუსაბამე, ქუჩის სტილიც მზად არის.
- ბრჭყვიალა ტოპი გრძელი მკლავებით, მიდი-ქვედაბოლო, რომელიც თავისუფლად მოძრაობის საშუალებას მოგცემს, კომფორტული ბოტილიონები მცირე ზომის ქუსლზე და ტრენდული აქსესუარები - მეგობრებთან შეხვედრისთვის შესაფერისია. არ აქვს მნიშვნელობა, ხმაურიან პაბში აპირებთ გასვლას, მყუდრო კაფეში თუ მოდურ გამოფენაზე.
- ახალი წლის ღამეს ექსპერიმენტებსაც შეგიძლიათ დაუთმოთ დრო. მაგალითად, ეფექტურია წითელი კაბა ოქროსფერი პრინტით, რომელსაც ზემოდან მოუხდენთ თავისუფალი სტილის მოსაცმელს, ყვავილებიანი პრინტი კი მეტ ჰარმონიულობასა და არაორდინარულობას შემატებს. ამ ორის მოდური ტანდემი დაასრულეთ ნავის ფორმის პატარა ქუსლზე ფეხსაცმლით და უჩვეულო ფორმის ქლათჩით.
- როცა გადაწყვეტ დასვენებას საახალწლო აურზაურისგან, გაეშურე ქალაქგარეთ. რაც მთავარია, არ დაგავიწყდეს ლამაზი და პრაქტიკული ლუქის წაღება. იმისათვის, რომ არ იყოს მოსაწყენი, ააწყვე სეზონის აქტუალური ფერებით, მაგალითად, სასაცილო საახალწლო ზედა, მასიური ქურთუკი ჯიბეებით და არ დაგავიწყდეს კომფორტული ფეხსაცმელები.
წყარო