ზამთარი უნიკალური პერიოდია მათთვის, ვინც სპორტულ ესთეტიკას და casual-ს ანიჭებს უპირატესობას. სწორედ ამიტომ ამ პერიოდში ოვერსაიზ-ნივთები არა მარტო მოდურად, არამედ სითბოს შესანარჩუნებლად საუკეთესო გადაწყვეტილებაა. ჩვენ მოვუყარეთ თავი ყველაზე მკვეთრ საბაზისო ნივთებს ზამთრის გარდერობში.
თავსაბურავი
- ზამთარში ქარისა და ყინვისგან თავის დასაცავად აუცილებელია ქუდის და თავსაბურავების გამოყენება, ვინაიდან სიცივეს არა მარტო განწყობის, არამედ ჯანმრთელობის გაფუჭებაც შეუძლია. წლევანდელი ტენდენციებიდან შალის კეპები საკმაოდ აქტუალურია, თუმცა, თუკი ყურები მუდმივად გეყინებათ, შეგიძლიათ თავსაბურავის სტილს მიანიჭოთ უპირატესობა.
ქურთუკი
- წყალ და ქარგაუმტარი ტანსაცმელი ზამთრის გარდერობის შეუცვლელი მთავარი ნივთია. უპირატესობა მიანიჭეთ გარდამავალი ფერის, მეტალის და მკვეთრ ფერთა გამას. ზამთრის ქურთუკი ოვერსაიზი ქუდით იდეალური ვარიანტია სიცივისგან თავის დასაღწევად. უპირატესობა მიანიჭეთ მოცულობით მკლავებს და მხრებზე მანჟეტებს. ამასთანავე, არ დაგავიწყდეთ სეზონის კლასიკური ცისფერის დამატება.
დათბილული ბომბერები
- დათბილული მოვერცხლისფრო ბომბერი ზამთარში არა მარტო კომფორტულია, არამედ ლამაზად გამოიყურება. თან, თუკი თოვლიან კურორტზე ჩაიცვამთ, მაშინ თოვლისა და ვერცხლისფერის სინთეზი ლამაზი ფოტოს გარანტიაა. კომფორტული ტემპერატურა, წინდები და ქურთუკი - 5 გრადუსი ყინვა აღარ შექმნის საღამოს სეირნობებისთვის წინაღობას.
ჯემპრი და როლინგი
- მკვეთრი ლუქის გარანტი ფერადი ოვერსაიზ-ჯემპრია, რომელიც თქვენს სტილს განსაკუთრებულ ანტურაჟს შემატებს. თუკი ერთ ფერში გადაწყვიტეთ გამოწყობა, დაუმატეთ მშვიდი აქსესუარები.
- როლინგი - ზამთრის სეზონის განუყრელი ნაწილია. ყურადღება გაამახვილეთ მჟავე-ლიმონისფერზე. საყელო ნაქარგით განსაკუთრებით მოდურად ითვლება. ელასტიკური მანჟეტები, თხელი ნაქსოვი და სითბო ქარიან ამინდში გარანტირებულია.
შარვალი
- კიდევ ერთი აბსოლუტური ზამთრის ტრენდი - შარვალი კონტრასტული ნაქარგითა და ჯიბეებით სპორტულ მოდურ ლუქად ითვლება. წყალგაუმტარი შარვლები წელს აქტუალურად ითვლება. შესაბამისად, ქარიანი ამინდებისგან თავის დასაღწევად ყველაზე სწორი გადაწყვეტილება მისი მორგებაა.
აქსესუარები
- არ აქვს მნიშვნელობა წელს და მოდურ ტენდენციას, აქსესუარი განსაკუთრებულ როლს თამაშობს ზამთრის ლუქში. ჩანთა ჯიბეებით ორიგინალობას მოგანიჭებთ; საათი - თავისუფალ სტილს, ხოლო შარფი დაგიცავთ უამინდობისგან და ამავდროულად, ოდნავ ბოჰემურობას შეგმატებთ.
წყარო