ივლისის სასიყვარულო პროგნოზი ქალებისთვის

ივლისის სასიყვარულო პროგნოზი ქალებისთვის
ცხელი ივლისი გველოდება, ყველა გაგებით. განეწყვეთ, რომ პირად ცხოვრებაში გამარჯვება მოიპოვოთ. ხოლო როგორ უნდა მოიქცეთ და რა გზას დაადგეთ, ამას ვარსკვლავები გიკარნახებენ.

ვერძი

მარტოხელებისთვის: ივლისი საუკეთესო თვეა ახალი სასიყვარულო ურთიერთობების დასაწყებად. ყველა პირობა შეგექმნებათ იმის, რომ შუბლით დაეჯახოთ თქვენს საბედოს. თქვენი მიზანია, შეამჩნიოთ ეს ადამიანი და გამოავლინოთ მთელი თქვენი მომხიბვლელობა, რათა მიიქციოთ მისი ყურადღება.

რჩევა: ორივე ხელით ჩაეჭიდეთ ახალ სიყვარულს. შეიძლება შვებულებაც კი ერთად გაატაროთ.

დაწყვილებულებისთვის: ივლისში მიხვდებით, რამდენად ღირებულია თქვენთვის თქვენი მეუღლე და შეეცდებით,
აღადგინოთ ძველებური სიყვარული და ვნება.

რჩევა: რუტინამ კავშირი რომ არ დაგინგრიოთ, მეტი დრო დაუთმეთ ერთმანეთს.

კურო

მარტოხელებისთვის: მარტოხელებმა ცხოვრებისეულ ღირებულებებს, პრიორიტეტებს უნდა გადახედოთ. თუ ისევ იმ რიტმში გააგრძელებთ ცხოვრებას, პირადი ცხოვრება უნდა დაივიწყოთ. დახურეთ ნოუთბუკი, ჩაიცვით ლამაზი კაბა და რომანტიკული ნაცნობობისთვის გაემართეთ.

რჩევა: მიეცით საკუთარ თავს უფლება, რომ იყოთ რომანტიკული, გააბათ ფლირტი უცნობთან.

დაწყვილებულებისთვის: მცირე ოჯახურმა უსიამოვნებებმა დაძაბულობა და დაშორებაზე ფიქრი არ უნდა აღგიძრათ. ეცადეთ, შეინარჩუნოთ ის, რაც გაქვთ. თუმცა ეს "შეჯანჯღარება" ურთიერთობის გადასახალისებლად გამოიყენეთ.

რჩევა: მშვიდობიანად დაელაპარაკეთ მეუღლეს, იქნება მასაც ცუდი დღე ჰქონდა და ვერ მოზომა სათქმელი. ეცადეთ, დაეხმაროთ საქმეების მოგვარებაში, ისიც დაიხმარეთ თქვენს პრობლემებთან გამკლავებაში და ერთად მოპოვებული გამარჯვება კიდევ უფრო შეგაკავშირებთ.

ტყუპი

მარტოხელებისთვის: ყურადღებით მიმოიხედეთ გარშემო. თქვენ გვერდით აუცილებლად არის ადამიანი, რომელიც მოგწონთ, მაგრამ შინაგანი შიშები გიშლით მასთან მიახლოებაში. ის, ვინც პირველ ნაბიჯს გადადგამს, სიყვარულში გამარჯვება ელის.

რჩევა: მიაქციეთ ყურადღება გარეგნობას და ჯანმრთელობას. სპორტი, იმიჯის შეცვლა და აქტიური დასვენება დადებითი ემოციებით აგავსებთ. ამასთანავე, თავდაჯერებულობასაც შეგმატებთ.

დაწყვილებულებისთვის: დატკბით ერთმანეთით, - სიყვარულითა და ვნებით. დააწყვეთ სამომავლო გეგმა. ერთად დაგეგმეთ შვებულება, რომელიც დაუვიწყარ შთაბეჭდილებებს გპირდებათ.

რჩევა: მოდუნდით და მაქსიმალური სიამოვნება მიიღეთ. ნუ ფიქრობთ უსიამოვნებაზე.

კირჩხიბი

მარტოხელებისთვის: ნუ ხართ ჩაციკლული თქვენს მარტოობაზე. თუ ახალგაცნობილ მამაკაცს ისე შეხედავთ, როგორც პოტენციურ საქმროს, თქვენი ცხოვრება უკეთესობისკენ შეიცვლება. ენერგია და ყურადღება ახალი რომანის დაწყებისკენ მიმართეთ. ადამიანი შეიძლება საერთო ინტერესების სფეროდან აირჩიოთ.

რჩევა: იყავით ხალისიანი და პოზიტიური. საინტერესო მამაკაცს აუცილებლად შეხვდებით, მთავარია, ჭირვეულობით და წუწუნით არ გააქციოთ.

დაწყვილებულებისთვის: თავისუფლებისადმი ლტოლვა ისე მოგეძალათ, რომ მეუღლემ თქვენ გვერდით შეიძლება თავი უსარგებლოდ იგრძნოს. ყველა ღონე უნდა იხმაროთ, რომ ურთიერთობაში სიყვარულმა, სითბომ და ჰარმონიამ დაისადგუროს.

რჩევა: ცოტა ხნით მოშორდით საქმეებს. ჰკითხეთ საყვარელ ადამიანს, რა გაახარებს. გამონახეთ საუბრის საერთო თემა. უხვად გაეცით სიყვარული, სინაზე, მზრუნველობა.

ლომი

მარტოხელებისთვის: ივლისში სასიყვარულო ნადირობა დაგეწყებათ. მოინადირებთ ნებისმიერს, ვისაც კი თვალს შეავლებთ. ეცადეთ, მსხვერპლი გამოსცადოთ ერთგულებაზე, სანდოობაზე, რათა მასთან მომავალში ღირსეული კავშირი შექმნათ.

რჩევა: გამოიყენეთ ის შესაძლებლობები, რასაც იღბალი გიგზავნით. ბევრს მიაღწევთ, თუ მიზნისკენ მიმართული იქნებით.

დაწყვილებულებისთვის: ქმართან ურთიერთობა შეიძლება მოსაწყენი მოგეჩვენოთ და ახალი თავგადასავლები მოგინდეთ. ეცადეთ, მეუღლე კი არა, გარემო შეიცვალოთ.

რჩევა: საინტერესო საქმიანობით დაკავდით, რაც ორივესთვის სასარგებლო იქნება. შეგიძლიათ დილაობით ერთად ვარჯიშიც კი დაიწყოთ ან შვებულება ექსტრემალურ პირობებში გაატაროთ და ერთმანეთი ახალ გარემოში გამოსცადოთ და სხვა კუთხით გაიცნოთ.

ქალწული

მარტოხელებისთვის: სწორედ ივლისში მიხვდებით, რომ მზად ხართ სერიოზული ურთიერთობისთვის. იყავით მზად ახალი სიყვარულის მისაღებად.

რჩევა: პოტენციური მწყვილე შეიძლება მეგობრების წრეში აღმოაჩინოთ.

დაწყვილებულებისთვის: მეუღლე რომანტიკით გაანებივრეთ და მისგანაც საიმედოობა მოითხოვეთ. ეცადეთ, ნანატრი შვებულება ერთად გაატაროთ, დაივიწყოთ სამსახურის საქმეები და თავით გადაეშვათ ვნებასა და რომანტიკაში.

რჩევა: დატკბით მეუღლესთან ყოფნით, ნუ ეძებთ მასში გამოსასწორებელ წვრილმანებს.

სასწორი

მარტოხელებისთვის: ვარსკვლავები საბედოსთან ვირტუალურ ნაცნობობას გიმზადებენ. ეს შეიძლება მოხდეს გაცნობის საიტზე ან სოციალური ქსელით; ან სულაც მეგობრებმა გაგაცნონ საინტერესო ადამიანი. ფლირტი შეიძლება სერიოზული ურთიერთობით დაგვირგვინდეს.

რჩევა: მოიცილეთ უსიამოვნო აზრები: "რას იტყვის ხალხი" და გულის კარნახით იმოქმედეთ.

დაწყვილებულებისთვის: იმის გამო, რომ სამსახურის საქმეებს განსაკუთრებულ ყურადღებას უთმობთ და მეუღლეს ყურადღებას აკლებთ, მისგან ბუზღუნს მშვიდად უნდა შეხვდეთ. ეცადეთ, უქმეები მაინც გაატაროთ ერთად და გვიანობამდე არ დარჩეთ სამსახურში.

რჩევა: მეუღლე გაანებივრეთ კულინარიული შედევრებით, მოსადუნებელი მასაჟით.

მორიელი

მარტოხელებისთვის: თუ მოინდომებთ, ვერავინ გაჯობებთ ვერც გარეგნობაში და ვერც მეტყველებაში, რაც საშუალებას მოგცემთ, გაიუმჯობესოთ პირადი ცხოვრება. ზოგიერთს პირველი დანახვით შეყვარება ელის და ნაცნობობის რომანტიკულ ურთიერთობაში გადაზრდა.

რჩევა: გააქტიურდით. მგზავრობისას, სეირნობისას, სოციალურ ქსელებში, ყველგან შეიძლება საინტერესო ადამიანს გადაეყაროთ.

დაწყვილებულებისთვის: დაფიქრდით, როგორ იქცევით მეუღლესთან მიმართებაში. მშვიდად განიხილეთ თქვენთვის უსიამოვნო მომენტები. ეცადეთ, იუმორში გადაიტანოთ იმის თქმა, რამაც შეიძლება თქვენს ქმარს გული ატკინოს.

რჩევა: ერთად იარეთ სტუმრად და შინაც ხშირად მიიპატიჟეთ მეგობრები. ორივე დადებითი ემოციებით დაიმუხტებით. ერთმანეთს სხვა თვალით შეხედავთ.

მშვილდოსანი

მარტოხელებისთვის: იმდენად იქნებით რომანტიკულ ტალღაზე, რომ შეიძლება პოეზიისკენაც კი გაგიწიოთ გულმა. სექსუალური ენერგია შემოქმედებით საქმიანობაში გადაიტანეთ. ურთიერთობაში იყავით გააზრებული და პრაქტიკული.

რჩევა: ნუ დაასრულებთ რომანს იმის გამო, რომ პარტნიორთან ვნებების გამოვლენა გიჭირთ. იყავით გულახდილი, მაგრამ ზომიერების ფარგლებში.

დაწყვილებულებისთვის: იყავით მოსიყვარულე, რომანტიკული ქმრის მიმართ. ერთად გატარებული დროის შემდეგ მიხვდებით, რომ თქვენი ქმარი მსოფლიოში საუკეთესო ადამიანია, რომელიც თვალს ხუჭავს თქვენს მცირე ნაკლზე.

რჩევა: გამონახეთ დრო ერთმანეთისთვის. ერთად გატარებული პერიოდი სიამოვნებას და სიხარულს მოგანიჭეთ.

თხის რქა

მარტოხელებისთვის: ივლისი მოვლენებით დატვირთული იქნება და თქვენი გადასაწყვეტია, ვის აირჩევთ, რადგან გამოჩნდება საინტერესო ადამიანი, ოცნების მამაკაცი; გააქტიურდება მეგობარი, რომელსაც ძველი სტატუსი აღარ დააკმაყოფილებს და რომანის დაწყება მოუნდება და ყოფილი, რომელიც თქვენთან განშორებას ჯერაც ვერ შეეგუა.

რჩევა: აუცილებლად მიიღებთ კოსმოსისგან ნიშანს, როგორ უნდა მოიქცეთ.

დაწყვილებულებისთვის: მცირე კამათი კიდევ უფრო მრავალფეროვანს გახდის თქვენს ურთიერთობას, ჩხუბის მერე შერიგება შეიძლება გემრიელი სექსით დაგვირგვინდეს და ეს მოგეწონოთ კიდეც. თუმცა, ეცადეთ, გრანდიოზულ სკანდალში არ გადაზარდოთ მცირე შელაპარაკება.

რჩევა: ემოციურობა და ენერგია საქმეების მოგვარებას დაახარჯეთ. ზოგადად, ეცადეთ, უარყოფით ემოციები სახლიდან შორს გააფრქვიოთ.

მერწყული

მარტოხელებისთვის: აუცილებლად გამოჩნდება ადამიანი, რომელიც თითქმის იდეალურთან იქნება მიახლოებული. შეიძლება გამოჩნდეს ადამიანი, რომელიც წარსულში არ მოგეწონებოდათ, მაგრამ სწორედ ასეთთან ერთად უნდა შექმნათ რომანტიკული დუეტი მომავალში.

რჩევა: სამსახურში გატარებული დიდი დრო არ გაძლევთ იმის უფლებას, რომ სამსახურებრივი რომანი გააბათ. მოულოდნელი ნაცნობობა კი შეიძლება საინტერესო კავშირში გადაიზარდოს.

დაწყვილებულებისთვის: რაც უფრო მეტ დროს გაატარებთ საყვარელი ადამიანის გვერდით, მით დაგირეგულირდებათ ცხოვრება. მაგრამ ხანდახან ვნებისგან და ემოციებისგანაც კი მოგინდებათ დასვენება.

რჩევა: დაკავდით საკუთარი საქმით, ჰობით, ნუ იქნებით მეუღლეზე მიწებებული. მასაც სურს ხანდახან თავისუფლად სუნთქვა.

თევზები

მარტოხელებისთვის: განსაკუთრებით მიმზიდველი და მომხიბვლელი ხართ მამაკაცებისთვის. ადვილად შეძლებთ ჭკუიდან გადაიყვანოთ ნებისმიერი, ვინც მოგიახლოვდებათ. ახალ ადამიანს სოციალურ ქსელებში, სოციალურ ცხოვრებაში შეხვდებით.

რჩევა: არ გაუშვათ ხელიდან ახალი სიყვარული. იყავით გულწრფელი და გახსნილი ახალ პარტნიორთან.

დაწყვილებულებისთვის: განახლება, სიახლე და ცვლილებები გსურთ. ნუ დაელოდებით, რომ ვიღაც სხვა მოვა და მოგიგვარებთ ურთიერთობას. თავად უნდა გააქტიურდეთ.

რჩევა: გახსოვდეთ, რომ სიყვარულში წარმატება დამოკიდებულია იმაზე, თუ რამდენი დრო და ენერგია შეგიძლიათ მასში ჩადოთ. იყავით მობილიზებული, რომ ურთიერთობა მრავალფეროვანი და ორივესთვის საინტერესო გახდეს.
FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif

გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
e87a93