კვირა მთვარის დაბნელებით იწყება. მომატებულია ემოციურობა და მგრძნობელობა. მოერიდეთ ალკოჰოლის მიღებას, სიფრთხილე გმართებთ საკვებთან. მოერიდეთ ნებისმიერ ქირურგიულ ჩარევას, ოპერაციების გაკეთებასაც არ გირჩევთ.
პირველი დეკემბრიდან მთვარე იწყებს კლებას. კარგ შედეგს მოგიტანთ წონის დაკლების პროცედურები. მოიცილეთ ქვები კბილებიდან, კანიდან - წანაზარდები, არასასურველი თმა. ამ კვირაში შეჭრილი თმა დიდი ხნით შეინარჩუნებს ფორმას.
30 ნოემბერი-პირველი დეკემბერი, ცვალებადი მთვარე ტყუპშია. კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.
- კარგია - სუნთქვითი ვარჯიში. მასაჟი, არომათერაპია. შეგიძლიათ გაიკეთოთ პირსინგი, ტატუ.
- ცუდია - მანიკიური, ფრჩხილების დაგრძელება. ნებისმიერი მანიპულაცია ხელებთან.
2-4 დეკემბერი (16:54-მდე) - ემოციური მთვარე კირჩხიბშია. იმატებს მგრძნობელობა და ემოციურობა. დიასახლისებს საჭმელი გამოსდით განსაკუთრებით გემრიელი. სასარგებლოა პურისა და სხვა ფქვილეულის გამოცხობა. არ გადატვირთოთ კუჭი.
- კარგია - აბაზანის მიღება. კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
- ცუდია - კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან, ტყუილის თქმა.
4 (16:54-დან)-6 დეკემბერი - არტისტული მთვარე ლომშია. მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი. ვუფრთხილდებით გულს.
- კარგია - ზურგის გავარჯიშება, სუნთქვითი ვარჯიშები, ფუტკრის ნაწარმზე დამზადებული კრემების გამოყენება, თმის შეჭრა, რომ მოცულობასა და სიგრძეში სწრაფად გაიზარდოს.
- ცუდია - ყურების გახვრეტა, ორთქლის აბანო, სახის გაწმენდა, მარილიანი პროდუქტების ჭამა.