ვის ელის თავბრუდამხვევი რომანი, ნაზი მეგობრობა ან სრული ჰარმონია საყვარელ ადამიანთან. გაიგეთ თქვენი ნიშნის მიხედვით.
ვერძი
მარტოხელებისთვის: სექტემბრის დევიზია: "ნუ გეშინიათ საკუთარი სურვილების". ყველას გულს მოინადირებთ, თუ მოინდომებთ.
რჩევა: ეცადეთ, შეადგინოთ თქვენი იდეალური მამაკაცის პორტრეტი, როგორი თვისებები უნდა ჰქონდეს, ფიზიკური მონაცემები.
დაწყვილებულებისთვის: საყვარელი ადამიანის მიმართ მეტად მზრუნველი გახდებით. მას თქვენი მოვლა სჭირდება და შეიძლება ძალითაც კი იავადმყოფოს.
რჩევა: თუ უსიამოვნება და უყურადღებობაში დადანაშაულება არ გსურთ, პარტნიორი თქვენ გვერდით ყოფნით უნდა გაანებივროთ.
კურო
მარტოხელებისთვის: თქვენს ცხოვრებაში ახალი ეტაპი იწყება. ძველი სტერეოტიპები უნდა დაანგრიოთ. დარეგისტრირდით ნაცნობობის საიტზე.
რჩევა: გამოსცადეთ თქვენი ახალი ნაცნობები სანდოობაზე, სანამ... შეიყვარებთ.
დაწყვილებულებისთვის: ნუ ეცდებით პარტნიორის ყველგან და ყველაფერში გაკონტროლებას. გაუფრთხილდით საკუთარ ნერვებს.
რჩევა: მოუწყვეთ საყვარელ ადამიანს რომანტიკული სიურპრიზები და ხშირად შეაქეთ.
ტყუპი
მარტოხელებისთვის: სექტემბრის დადგომისთანავე თქვენი შრომისუნარიანობა მაქსიმალურად მოიმატებს. ერთდროულად იმდენ საქმეს გააკეთებთ, რაც მთელი წლის განმავლობაში არ გაგიკეთებიათ. გამონახეთ დრო დასვენებისთვის, რაც ნამდვილად დაიმსახურეთ.
რჩევა: ნუ წამოწვებით დივანზე, აქტიურად დაისვენეთ. გაიცანით საინტერესო ადამიანები.
დაწყვილებულებისთვის: თქვენი პოპულარობის გამო საყვარელი ადამიანი იეჭვიანებს, აბა, რას იზამს?!. ნუ გაღიზიანდებით, შეინარჩუნეთ იუმორის გრძნობა.
რჩევა: სასექტემბრო რეცეპტი: უქმეები საყვარელ ადამიანთან ერთად რომანტიკულად გაატარეთ.
კირჩხიბი
მარტოხელებისთვის: ყველა შანსი გაქვთ, რომ თქვენს საბედოს შეხვდეთ. ამისათვის უნდა გამოხვიდეთ კომფორტის ზონიდან და თავად გააქტიურდეთ. უნდა დაივიწყოთ წარსული და ადგილი გაუთავისუფლოთ ახალს.
რჩევა: ენერგიული და მიზანსწრაფული ხართ. ნუ გადადებთ მომავლისთვის იმას, რისი გაკეთებაც დღეს შეგიძლიათ.
დაწყვილებულებისთვის: ჰარმონიული დამოკიდებულება უნდა შექმნათ ოჯახის წევრებთან, მოსიყვარულე უნდა იყოთ და შინ მუდამ გემრიელობები გქონდეთ.
რჩევა: ნუ დაივიწყებთ საკუთარ თავსაც: დაქალებთან ყავის დალევა და მასაჟი საუკეთესო იქნება.
ლომი
მარტოხელებისთვის: ცოტა გადაღლილი ხართ. შეიძლება განმარტოება და სიმშვიდე მოგინდეთ, მაგრამ სექტმბერში ახალი რომანტიკული ნაცნობობა გელოდებათ და დასვენებისთვის ვერ მოიცლით.
რჩევა: თუ ადრე ყველას მოხიბვლას ცდილობდით, ახლა თქვენი მზერა მხოლოდ ერთი ადამიანისკენ უნდა მიმართოთ.
დაწყვილებულებისთვის: საყვარელ ადამიანთან საერთო ენის გამონახვა გაგიჭირდებათ, რის გამოც კამათი და უსიამოვნება არ დაილევა.
რჩევა: ნუ გაიბუტებით. თამამად თქვით თქვენი სურვილების შესახებ.
ქალწული
მარტოხელებისთვის: თაყვანისმცემლებით იქნებით გარშემორტყმული. იყავით მომხიბვლელი და აირჩიეთ ადამიანი, ვის გვერდითაც თავს ბედნიერად იგრძნობთ.
რჩევა: ყველაფერი ისე უნდა გააკეთოთ, როგორც თქვენს გულს ესიამოვნება.
დაწყვილებულებისთვის: საყვარელ ადამიანს აქვს უარყოფითი თვისებები და ამის გამო კამათი არ ღირს. უმჯობესია მის დადებით თვისებებზე გაამახვილოთ ყურადღება.
რჩევა: თუ ადამიანი ვერ ხვდება, რა გაღიზიანებთ მასში, დელიკატურად მიუთითეთ.
სასწორი
მარტოხელებისთვის: უმჯობესია, საკუთარი თავის გაუმჯობესებაზე იმუშაოთ. იყავით მიმზიდველი და საინტერესო მამაკაცებისთვის.
რჩევა: საინტერესო საქმიანობის სწავლას დაიწყებთ და თვალსაწიერის გაფართოებასაც შეძლებთ.
დაწყვილებულებისთვის: ნუ დარდობთ ზაფხულის დღეებზე. საყვარელ ადამიანთან ერთად ხშირად გადით ქალაქგარეთ და მოიმარაგეთ ლამაზი ფოტოები, მოგონებები ზამთრისთვის.
რჩევა: ჩაეწერეთ კულინარიის კურსებზე, ისწავლეთ ჯემებისა და მურაბების მომზადება.
მორიელი
მარტოხელებისთვის: უამრავი რომანტიკული შეხვედრა და სასიამოვნო საუბარი გელით, რომლის შინაარსსაც არავის გაუმხელთ.
რჩევა: არავის არაფერს დაჰპირდეთ. დატკბით იმით, რასაც სექტემბერი გთავაზობთ.
დაწყვილებულებისთვის: დაფიქრდებით, მართლა გაფასებთ პარტნიორი? განიჭებთ სიამოვნებას ერთად ყოფნა?
რჩევა: ნუ იჩქარებთ გადაწყვეტილებების მიღებას. მშვიდად გაერკვიეთ ყველაფერში.
მშვილდოსანი
მარტოხელებისთვის: სექტემბერი შეიძლება ახალი რომანტიკული ურთიერთობის დასაწყისი გახდეს. შეიძლება გაიცნოთ ის, ვისზეც ადრე ბევრი გსმენიათ. იმოქმედეთ პრინციპით: "ვინც მოითმენს, ის მოიგებს".
რჩევა: იყავით მაქსიმალურად გულწრფელი.
დაწყვილებულებისთვის: ემოციების მოზღვავებას იგრძნობთ. გაფრთხილდით, საყვარელი ადამიანი არ დააფრთხოთ.
რჩევა: თქვენი ატომური ენერგია კეთილ საქმეებს, პროფესიულ გამარჯვებას მოახმარეთ.
თხის რქა
მარტოხელებისთვის: სანამ აცივდება, მოძებნეთ ადამიანი, რომლის გვერდითაც თბილად, ტკბილად და გემრიელად იქნებით. თქვენ გვერდით ყოველთვის ტრიალებენ საინტერესო ადამიანები, მაგრამ მხოლოდ ღირსეულს უნდა გაუშინაურდეთ.
რჩევა: აიმაღლეთ განწყობა, თვითშეფასება, შეიძინეთ მდიდრული სამოსი, ძვირად ღირებული აქსესუარები.
დაწყვილებულებისთვის: საყვარელი ადამიანი ყურადღებიანი და მიმზიდველია თქვენთვის და შეიძლება ერთმანეთი თავიდან შეგიყვარდეთ.
რჩევა: ოქტომბერიც რომ ტკბილი გქონდეთ, სექტემბერში საუკეთესო უნდა იყოთ.
მერწყული
მარტოხელებისთვის: შანსი მოგეცემათ, აღადგინოთ ის ურთიერთობა, რომლის გაწყვეტასაც ნანობთ. ამისთვის კი პირველი ნაბიჯი თქვენ უნდა გადადგათ.
რჩევა: მიეცით ადამიანს შანსი, თუ კვლავინდებურად მიგიწევთ მისკენ გული.
დაწყვილებულებისთვის: ერთმანეთს არ უსმენთ და ამის გამო კამათობთ. თვის ბოლოსკენ უფრო დათბება თქვენი ურთიერთობა.
რჩევა: ნუ აჰყვებით პარტნიორს, განსაკუთებით, თუ ცხარობს. კამათი დასრულდება, ერთმანეთისთვის ნათქვამი სიტყვები კი გულში დაგრჩებათ.
თევზები
მარტოხელებისთვის: მუდამ ფლირტის განწყობაზე ხართ და არც სექტემბერია გამონაკლისი. მამაკაცების აღფრთოვანებულ მზერაში შეიძლება საინტერესო ადამიანი ამოიცნოთ.
რჩევა: თაყვანისმცემელი გულწრფელი და სერიოზული უნდა იყოს და... თქვენც.
დაწყვილებულებისთვის: სექტემბერი ოჯახური, რომანტიკული უქმეების თვეა. მაქსიმალურად მეტი დრო გაატარეთ ერთად.
რჩევა: მოალამაზეთ თქვენი საცხოვრებელი. შეიძლება ახალი ნივთების შეძენა, ავეჯის გადაადილება ან რემონტიც კი დაგჭირდეთ.