რთული ბავშვობა, ძალადობის ფაქტი და მოძალადის მხილება - მარტა ბარამიძის ისტორია - Marao

მარტა ბარამიძე საზოგადოებამ 2019 წელს პოპულარული კულინარიული შოუს, „მასტერშეფის“ საშუალებით გაიცნო. პროექტის დასრულების შემდეგ მარტამ განაგრძო კულინარიული საქმიანობა, მის პარალელურად კი ეპიზოდური როლი სერიალ „ჩემი ცოლის დაქალებში“ შეასრულა.

ამჯერად მარტა ბარამიძე ია ფარულავას გადაცემას სტუმრობდა, სადაც საკუთარი ბავშვობისა და ძალადობის შემთხვევის შესახებ ისაუბრა.

მარტა ბარამიძემ გაიხსენა შემთხვევა, როცა 16 წლის ასაკში ზრდასრულ მამაკაცს მასზე ფიზიკური და სექსუალური ძალადობის მცდელობა ჰქონდა და მისი სახელიც გაამხილა. როგორც მან გაიხსენა, მამაკაცი თითის მოჭრით დაემუქრა. იმავე ღამეს მან მარტა სასაფლაოზე წაიყვანა და იქ დატოვა, თუმცა მოგვიანებით მიაკითხა, სახლში დააბრუნა და გარედან ჩაკეტა. მარტამ სახლიდან გაქცევა მოახერხა.