სექსი, რომელსაც ფილმებში ვხედავთ, მუდამ ჯადოსნურია. თუ იდეალური არაა, გმირი ხვდება თავის შეცდომას და შორდება პარტნიორს, მაგრამ ცხოვრებაში ყველაფერი სხვანაირადაა. რა ხდება თქვენს საწოლში, რასაც კინოში არ უჩვენებენ?
ყველას ელეგანტურად ხდიან ტანსაცმელს. აბრეშუმის კაბა ქალს მხრიდან ელეგანტურად უვარდება. თუმცა, არასდროს გვაჩვენებენ, როგორ იხდის მამაკაცი წინდებს. რაღა გმირი-საყვარელი გამოვა ამის მერე?
გმირებს არასდროს აცვიათ გარღვეული ტრუსი, წინდა, თვალწასული კოლჰოტი, არ უჩანთ გაუპარსავი ფეხები, იღლიები.
სექსისთვის ყველა მომენტალურად მზადაა. მამაკაცმა ქალს ყელში აკოცა, ბიუსტჰალტერზე შეეხო და ქალი უკვე დამდნარია და სურს ის.
ყველა ოხრავს და კვნესის. თითქოს რაღაც ჯადოსნური ღილაკი აქვთ და მასზე დაჭერისას გამოსცემენ ამ ხმებს.
რეალურ ცხოვრებაში კი სექსის დროს სხვა ხმებიც ისმის... თუმცა, კინოში ეს იმიტომ არ ისმის, რომ წყვილს სექსი მუდამ მუსიკის ფონზე აქვს.
გმირები იშვიათად იყენებენ პრეზერვატივს. საიმედოდ გადამალულს, რომ არავინ იპოვოს, მას არ ეძებენ. ის ან მუდამ ჯინსის შარვალში უდევთ, ან - ტუმბოს უჯრაში.
როგორღაც ისე ხდება, რომ გმირები სინქრონულად განიცდიან ორგაზმს. თითქოს შეთანხმდნენ.
ვიბრატორებს მხოლოდ მარტოხელა ქალები იყენებენ და რატომღაც, სექსსათამაშოები მხოლოდ სამანტა ჯონსისთვის ("სექსი დიდ ქალაქში") არსებობს.
არავინ გადის ტუალეტში სექსის შემდეგ.
პირველი სექსი ყველას იდეალური აქვს. თითქოს წინასწარ წაიკითხეს ინსტრუქცია, ვის სად ესიამოვნება კოცნა, მოფერება.
რაც მთავარია, ქალი მუდამ მზადაა სექსისთვის: არც თავი სტკივა, არც მენსტრუალური ციკლი არ აქვს, არც ბავშვები ჰყავს მისახედი.
მათ სექსის დროს არავინ აწუხებს: არც შინაური ცხოველი, არც ბავშვი უკაკუნებთ საძინებლის კარზე. მათი სექსი არასდროსაა სასაცილო ან უხერხული.
კუნილინგუსი მუდამ იდეალურია. ოდნავი შეხების დროსაც კი ქალი სიამოვნებისგან იგრიხება და კვნესის. თუმცა, რეჟისორებმა შეიძლება არც იცოდნენ, რომ ყველა ქალს არც მოსწონს კუნილინგუსი.
არასდროს ეძებენ იდეალურ პოზას. მათთვის ყველა პოზა მოსახერხებელი და იდეალურია.
არასდროს იხდიან ბიუსტჰალტერს. მას თვალის ჩინივით უფრთხილდებიან, თითქოს რაღაცას მალავენ. თანაც, სექსის შემდეგ ისე გაეხვევიან საბნებში, თითქოს შიშვლები ერთმანეთი ჯერ არ უნახავთ.
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
