ნესლიჰან ათაგული თურქული კინემატოგრაფიის ერთ-ერთი მთავარი ვარსკვლავია. 28 წლის მსახიობი მთელ მსოფლიოში და მათ შორის, საქართველოშიც ადამიანების უდიდესი სიყვარულით სარგებლობს. უნიკალური საშემსრულებლო მანერის, ნიჭის და ასევე ფანებთან თავისი დამოკიდებულები გამო ის მილიონობით ადამიანმა შეიყვარა.
თუმცა ახლა მსახიობს რთული პერიოდი უდგას. ახალგაზრდა ვარსკვლავს საკმაოდ რთული დაავადება დაუდგინდა, რომლის გამოც მას ამ ეტაპზე სამსახიობო კარიერის გაგრძელება აღარ შეუძლია.
ასევე დაგაინტერესებთ: "ილომ მითხრა, სადაც ბავშვს მოუნდება, იქ აჭამეო, ნუ გიტყდებათ ბავშვის სახალხოდ გამოკვება" - ანი ბებია
<div> <div></div>
</div>
ნესლიჰანის მიმდინარე პროექტი იყო სერიალი "ელჩის ქალიშვილი". ქართულ ტელესივრცეში ის ჯერ არ გამოჩენილა, თუმცა, მიუხედავად ამისა, სერიალს საქართველოში არაერთი ადამიანი ადევნებს თვალს და გულშემატკივრობს. ათაგული სერიალში ელჩის ქალიშვილის, ნარეს როლს ასრულებდა, თუმცა ჯანმრთელობის მდგომარეობის გამო გადასაღები მოედნის დატოვება მოუწია.
ნესლიჰანს გაღიზიანებული ნაწლავის სინდრომი დაუდგინდა და როგორც თურქული მედია წერს, საკმაოდ რთული ფორმით, ვინაიდან მას ოპერაცია ესაჭიროება და ამასთანავე, ექიმები ვერ იძლევიან გარანტიას, რომ ოპერაციის შემდეგ ის ისევ შეძლებს ძველებური დატვირთვით მუშაობას.
ცნობილი გახდა, რომ დაავადება ნესლიჰანს ბოლო 2 თვის განმავლობაში აწუხებდა და მედიკამენტოზურ მკურნალობას გადიოდა. გადასაღები მოედნიდან არაერთი ფოტო გავრცელდა, სადაც მსახიობი სათბურით იყო აღბეჭდილი. როგორც აღმოჩნდა, ეს იმიტომ, რომ სიცივის დროს მას განსაკუთრებული ტკივილები აწუხებდა.
"ვემშვიდობები ნარეს, ქალს, რომელსაც თამაშისას ყველა უჯრედით ვგრძნობდი. ჩემი სხეული არ მაძლევს საშუალებას, რომ გადაღებები გავაგრძელო. იმედი მაქვს, მალე სხვა ისტორიებით შევხვდებით", - დაწერა ნესლიჰანმა "ინსტაგრამზე".
"სამწუხაროდ, ნესლიჰან ათაგულმა სოციალურ მედიასთან კონტაქტი გაწყვიტა და გულშემატკივრებს გაურკვეველი ვადით დაემშვიდობა. დატოვა 2 სერიალი, გააჩერა კონტრაქტები, ის არის ძალიან მოკლებული წონაში, ძალიან დათრგუნული. მედიის ცნობით, ნესლიჰან ათაგული 12 წელია დედობაზე ოცნებობდა. სამწუხაროდ, ამ დაავადებამ შესაძლოა მისი ოცნება ვეღარ განახორციელოს", - წერენ თურქულ მედიაში.
წყარო: reitingi.ambebi.ge