"აბა, დამაცადე!" - ეს უბრალოდ მულტსერიალი არ გახლავთ, ეს ნამდვილი ლეგენდაა, რომელზეც არაერთი თაობა გაიზარდა.
1969 წელს "აბა, დამაცადე" სახელმწიფოს დაკვეთით გადაიღეს. სახელმწიფო მოხელეებმა გადაწყვიტეს, საპასუხო დარტყმა მიეყენებინათ დასავლური "დისნეის" მულტფილმებისთვის და ფილმის გადასაღებად სერიოზული ბიუჯეტი გამოყვეს. დამკვეთების მოთხოვნა ერთადერთი იყო - გაეკეთებინათ რაიმე სასაცილო.
ბევრი კამათი დასჭირდათ მულტფილმის შემქმნელებს მე-12 სერიის გადაღებისას, როცა მგელი ფარაონ რამზესის სარკოფაგში აღმოჩნდება. გამორიცხული არ იყო, რომ ეგვიპტის მთავრობა ამის გამო პროტესტს გამოთქვამდა. საბედნიეროდ, ასე არ მოხდა.