ხუთი ყველაზე რომანტიკული ქალაქი ევროპაში ვალენტინობის გასატარებლად - Marao

ევროპა შესანიშნავი ადგილია რომანტიკული განტვირთვისთვის. ვალენტინობა ახლოვდება და ბევრი წყვილი ემზადება ამ დღის ევროპის ყველაზე რომანტიკულ ქალაქებში: პარიზში, რომში, ვენეციაში, პრაღაში აღსანიშნავად. პარიზი არის მარადიული სიყვარულის ქალაქი; ვენეცია და რომი - მგზნებარე რომანტიზმის მოყვარულთა დანიშნულების ადგილი; პრაღა შესანიშნავია მათთვის, ვისაც ბიუჯეტურად სურს რომანტიკულ გარემოში გაატაროს ეს დღე.

გთავაზობთ ევროპის ულამაზეს ქალაქებს, რომლებშიც არ შედის პარიზი და რომი, მაგრამ დაუვიწყარ დროს გაატარებთ.

1. კოლმარი, საფრანგეთი

კოლმარი მდებარეობს გერმანიასა და შვეიცარიასთან ახლოს, ვოსგესა და რაინთან, სტრასბურგსა და მულჰაუზს შორის. თავისი 67,000 მოსახლეობით ის ინარჩუნებს "ქვეყნის ქალაქის" ატმოსფეროს. ქალაქი ულამაზესი ხედით, თავისი განსაკუთრებული მემკვიდრეობის მეშვეობით, სტუმრებს სთავაზობს ევროპული ისტორიის 1000-წლიან ისტორიას. მის ქუჩებში გასეირნება ჰგავს უზარმაზარ ფილმს, სადაც ასობით საუკუნის ძველებური სახლები, ლამაზი არხები და აყვავებული საცალფეხო ცენტრია. ქალაქში არის შესანიშნავი რესტორნების და მაღაზიების შთამბეჭდავი არჩევანი, რომლებიც ყიდიან მაღალი ხარისხის ადგილობრივ პროდუქტებს...

2. კორდობა, ესპანეთი

ქალაქი კორდობა ამაყობს იმ კულტურული და მონუმენტური სიმდიდრით, რომელიც მას სხვადასხვა ცივილიზაციამ მიანიჭა. 1994 წელს იუნესკომ აღიარა მისი ისტორიული მემკვიდრეობის უნივერსალური მნიშვნელობა და გააფართოვა მსოფლიო მემკვიდრეობის ძეგლი, რომელშიც შედის არა მხოლოდ მეჩეთი, არამედ მისი მიმდებარე ურბანული ტერიტორია. კორდობის მეჩეთი არის რელიგიური ისლამური ხუროთმოძღვრების განსაკუთრებული მაგალითი და კორდობის ხალიფატის ყველაზე მნიშვნელოვანი მოწმეა. ამბობენ, რომ ამ პერიოდის განმავლობაში ქალაქს 300-მდე მეჩეთი და უთვალავი სასახლე ჰქონდა. მეტოქეობას უწევს ბრწყინვალე ქალაქებს, როგორებიცაა კონსტანტინოპოლი და ბაღდადი. მეჩეთის ზომა და დიდებული სიმაღლე მას უნიკალურ მხატვრულ ნაწარმოებად აქცევს და მნიშვნელოვან როლს ასრულებდა XIX საუკუნის ნეოისლამური სტილის წარმოქმნაში. კორდობის ისტორიული მემკვიდრეობის ნაწილია სკვერები, ხეივნები და სხვა უნიკალური ადგილები, რომლებიც ქალაქს ერთგვარ გარე მუზეუმად აქცევს. ქუჩა დეკორატიული, რკინის ფანჯრის გრილები, აივნები, შადრევნები და პატარა ბაღები, იდეალურია დასასვენებლად, გასეირნებისთვის და ამჟამინდელი კორდობის მრავალი საიდუმლოებით გამოირჩევა.

3. პორტოფინო, იტალია

პორტოფინო მხოლოდ რამდენიმე კილომეტრში მდებარეობს ლიგურიის ულამაზეს ქალაქ გენუიდან. ის საუკუნეების განმავლობაში იყო ისეთი ცნობილი ხალხის საყვარელი დანიშნულების ადგილი, როგორებიცაა სილვესტერ სტალონე, ელტონ ჯონი, კილი მინოგე, მადონა, ოპრა უინფრი, ლანა დელ რეი, ბიონსე და ჯეი ზი. ეს ლამაზი სოფელი ყოველთვის იყო დასვენებისა და სიამოვნების ადგილი მხატვრებისთვის. ეს არის საერთაშორისო თვითმფრინავების შეხვედრების ადგილი, მაგრამ იგი, უპირველეს ყოვლისა, დედამიწის ერთ-ერთი ულამაზესი ადგილია.

4. სინტრა, პორტუგალია

სინტრა საგანძურია, რომელიც მდებარეობს მთებსა დაზღვას შორის და ელოდება აღმომჩენებს, ვინც გაბედავს, დაიკარგოს დიდებულ ისტორიულ მემკვიდრეობაში, მდიდრულ ბუნებაში, კოსმოპოლიტურ კულტურულ შეთავაზებასა და მდიდარ გასტრონომიაში. სინტრა გამოირჩევა რომანტიკული აურით, რომელმაც ღრმა შთაბეჭდილება დატოვა მწერლების სულსა და მოღვაწეობაზე, რომლებიც მეთვრამეტე და მეცხრამეტე საუკუნეებში გამოხატავდნენ რომანტიკულ სულს, აღნიშნავდნენ სუბიექტურობას და ადამიანის დრამის ემოციებს. სინტრა მართლაც რომანტიზმის დედაქალაქია. ეს არის აღმოჩენების ადგილი!

იხილეთ: მასონების ამოტრიალებული კოშკი: მსოფლიოში ყველაზე იდუმალი ჭა (ფოტო)

5. ამსტერდამი, ნიდერლანდები

ამსტერდამი არის ჩრდილოეთ არხების ქალაქი. აქ არის ყვავილები, ხალხი ველოსიპედებით და ლამაზი ქუჩის მაღაზიებითა და კაფეებით, ყველა ქუჩის კუთხეში - რაც მას სრულყოფილს გახდის დასასვენებლად, რომანტიკისთვის. მშვენიერია როგორც ზაფხულში, ისე ზამთარში, წვიმასა და სეტყვაში.

რომ განიცადოთ ამსტერდამის სრული სილამაზე, გაიარეთ არხი კრუიზით. მიუხედავად იმისა, რომ დღის შუქი გიჩვენებთ ამსტერდამის ყოველდღიურ ცხოვრებას, ღამის არხის საკრუიზო ვახშამი გთავაზობთ უფრო ლამაზ ამსტერდამს - არხებით, მოციმციმე შუქებით და ნამდვილი რომანტიკული განწყობით.

ხათუნა კორთხონჯია