საქორწილო ტრადიციები ყველა ქვეყანაში განსხვავებულია, მაგრამ ზოგიერთი მაინც განსაკუთრებულად გვაოცებს ხოლმე. ამჯერად მოგიყვებით იმ ქვეყნის შესახებ, სადაც ქორწინება გარიგებით ხდება და გოგოს მშობლები სასიძოში ფულს იხდიან.
ეს ქვეყანა ტროპიკული შრი-ლანკაა, რომელიც ინდოეთის ოკეანეში მდებარეობს: ქვიშიანი სანაპირო, ცეილონის ჩაის პლანტაციები, მთები, ველური ბუნება - ყველა პირობაა შექმნილი იმისათვის, რომ ტურისტებით განებივრებული იყოს და ასეცაა. შრი-ლანკა ერთ-ერთია იმ ქვეყნებიდან, რომლებიც საუკუნეების წინ დამკვიდრებულ ტრადიციებს პატივს სცემენ და ინრაჩუნებენ. ერთ-ერთი ასეთი უძველესი ადათი ქორწინების ტრადიციაა, რომლის შესახებაც შრი-ლანკიდან ახალდაბრუნებული ტატიანა კვეკვესკირი Marao.ge-ს ესაუბრა.
ამის შემდეგ წყვილი გოგოს ოჯახში ხვდება ერთმანეთს. რომც არ მოეწონოთ ერთმანეთი, მშობლებს ყველაფერი გადაწყვეტილი აქვთ. ამდენად, გოგოსა და ბიჭს ისღა დარჩენიათ, შეეგუონ იმ აზრს, რომ მთელი ცხოვრება ერთად იქნებიან.
საშუალო შესაძლებლობის მქონე ოჯახისთვის ქორწინების ცერემონიალი ნაკლებად პომპეზურია. მთავარი ხარჯი სასიძოს „შეძენაა“.
ქორწილის შემდეგ წყვილი სასტუმროში მიდის და მშობლებიც თან მიჰყვებიან. სანამ წყვილი ერთადაა, მშობლები ელოდებიან, როდის გამოიტანს ბიჭი ზეწარს, რომელზეც ბიჭის მშობლები წინასწარ ინიციალებს აწერენ. თუ ზეწარი სისხლიანი არ არის, გოგოს უბრუნებენ მშობლებს და ფულს - არა. თუ სისხლიანია, გოგო ზეწარს ჩანთაში იდებს და ბიჭის სახლთან, ჭიშკართან ამოიღებს. მხოლოდ ამის შემდეგ შეუშვებენ სახლში. ასე რომ, ზეწარი ერთგვარი საშვია ქმრის ოჯახში შესასვლელად.
მარიამ ტურძილაძე