ისეთი ჩვეულებრივი რამაც კი, როგორიცაა დეზოდორანტი, უამრავ საიდუმლოს მალავს! ჩვენ ყოველდღიურად ვიყენებთ ჰიგიენის ამ აუცილებელ საშუალებას. უთვალავჯერ ჩაგვიტარებია ეს პროცედურა... და დიდი ალბათობით, არასწორად!
როგორ გამოვიყენოთ დეზოდორანტი
დეზოდორანტი-ანტიპერსპირანტი უნდა წაისვათ ღამით, მშრალ და სუფთა კანზე. საქმე ისაა, რომ დეზოდორანტის აქტიურ ნივთიერებებს დრო სჭირდება მოქმედებისთვის.
არ შეიძლება დეზოდორანტის წასმა მყისიერად შხაპის შემდეგ, თუნდაც კარგად გამშრალებულ კანზე.
უნდა დაიცადოთ 10 წუთი, მერე კი წაისვათ. სხვა შემთხვევაში, ტანსცმელზე თეთრი ლაქები დარჩება.
არავითარ შემთხვევაში არ წაისვათ დეზოდორანტი დიდი რაოდენობით. შესაძლოა, ეს ჯანმრთელობის სერიოზული პრობლემის გამომწვევი მიზეზი გახდეს.
მეცნიერებმა დაადგინეს, რომ დეზოდორანტმა, რომელსაც ალუმინის მაღალი შემცველობა აქვს, შესაძლოა მკერდის კიბოს გამოიწვიოს. გადადით მეტად ნატურალურ საშუალებებზე, რომელთა შემცველობაში არ არის მძიმე ლითონები.
ნუ გამოიყენებთ დეზოდორანტს სპორტული ვარჯიშის დროს ან საუნაში წასვლამდე. ამ დროს ოფლის გამოყოფა ბუნებრივი პროცესია და თუ მას შევეწინააღმდეგებით, ეს ორგანიზმში ტოქსინების დაგროვებას გამოიწვევს.