თბილისის საახალწლოდ მორთვის სამზადისს თბილისის მერი კახი კალაძე ესწრებოდა, სადაც ის ვარდისფერი ქუდით გამოჩნდა.
ამ ფაქტს სოციალურ ქსელში სხვადასხვაგვარი გამოხმაურება მოჰყვა.
„თბილისიც მორთო და თვითონაც მოირთო“, „საქმე ასე აკეთოს და თუ უნდა გვირილების გვირგვინი დაიდგას, გადასარევი მერი გვყავს“, „მარტო ჩვენს ქვეყანაში ხდება, რომ ფერების გამო ადამიანს შეიძლება დასცინონ“, „ეტყობა შეცდომით ცოლის ქუდი დაიხურა. აერია რა“,
„ქუდის მეტს ვერაფერს ხედავს ეს ხალხი, თუ უნდა სტაფილოსფერი დაიფაროს, საქმე აკეთოს რა თქვენი უქუდო თავების საქმეა?“, „მეც მინდა ასეთი ქუდი“, წერენ ფეისბუქმომხმარებლები.
ერთ დროს კახი კალაძემ ჟურნალისტებთან ასეთი კომენტარი გააკეთა: "ჩემი ჩაცმულობის მანერით საზოგადოებაში სიცილი გამოვიწვიე, მაგრამ ზუსტად ამაშია ჩემი წარმატების საიდუმლო".
მის ჩაცმულობას უკვე დიდი ხანია განიხილავენ, თუმცა ფაქტია, რომ თბილისის მერი ჩაცმის სტილთან მიმართებაში მაქსიმალურად თავისუფალია. არაერთხელ აღუნიშავთ ისიც, რომ დროთა განმავლობაში მისი ჩაცმულობა კიდევ უფრო მეტად დაიხვეწა.