ძველად დახეულ-დაკონკილი სამოსი მხოლოდ უკიდურესად გაჭირვებულებს ეცვათ. უპოვარიც კი ცდილობდა, სამოსი დაეკერებინა. დახეული ტანსაცმელი მუდამ სიღარიბის მაჩვენებელი იყო. დღეს კი დახეული სამოსით სიარული მოდაა, რომელიც სიღარიბესა და წარუმატებლობას იზიდავს.
სად გინახავთ, წარმატებულ ადამიანს დახეული სამოსი ეცვას? სპეციალისტების აზრით, სწორად შერჩეული სამოსი არის წარმატების, ფინანსური კეთილდღეობისა და ბედნიერების მომნიჭებელი. იმას მიიზიდავთ, როგორც იცვამთ.
ძველად მიაჩნდათ, რომ თუ სამოსი გაიხეოდა, მფლობელს უსიამოვნება შეხვდებოდა. ბედნიერება, ფული და ჯანმრთელობა „ნახევიდან გაიპარებოდა“.
მოდურად ჩაცმულ ახალგაზრდობას დღეს დახეული ჯინსი, მაისური აცვია, ასეთივე ჩანთა უჭირავს. ქვეცნობიერი ჩვენს ტვინს აპროგრამებს სიღარიბეზე, ჯანმრთელობის, ფინანსური მდგომარეობის გაუარესებაზე. სხვა სიტყვებით რომ ვთქვათ, რასაც ჩაიცვამთ, იმასაც მიიზიდავთ.
გაუფრთხილდით საკუთარ თავს, არანაირი მოდა არ გიშველით, თუ დაკარგავთ ჯანმრთელობას, წარმატებას, ფულს.