დღეს ინტერნეტის მეშვეობით რამდენიმე საათშია შესაძლებელი, გახდე ვარსკვლავი. თუ გუშინ თქვენზე არავინ არაფერი იცოდა, დღეს სოციალურ ქსელში ათასობით გაზიარებით, გაზეთში ან ჟურნალში დაბეჭდილი თქვენი ფოტოს წყალობით შეიძლება მთელმა მსოფლიომ გაგიცნოთ.
ასე მოხდა ამ ადამიანის შემთხვევაშიც. მღვდელი ყველასთვის ცნობილი გახდა მას შემდეგ, რაც სოციალურ ქსელში მისი ფოტოსესიის შედეგები გამოქვეყნდა. ახლა კი ყოფილი მღვდელი იმდენად კმაყოფილია შედეგით, მოდელის კარიერაზე სერიოზულად ფიქრობს და სულ არ შეეშინდა საკუთარი ცხოვრების 180 გრადუსით შეცვლის.
მოდელის კარიერის დაწყებამდე
სასულიერო პირის სტუდენტმა შვილმა მამის ფოტოები სოციალურ ქსელში გამოაქვეყნა და აქედან დაიწყო მისი პოპულარობა. კოლინ ჰეისლეტი ამბობს: "მამაჩემი 45 წლისაა და მან დაიწყო მოდელის კარიერა. არასდროს მინახავს ასეთი ბედნიერი. ასე რომ, მე მამასთან ერთად უკვე ბევრი მიცნობს Twitter-ზე".
ფოტოებმა ძალიან დიდი გამოხმაურება გამოიწვია. დადებიდან პირველივე საათში ათასობით ადამიანმა ნახა და მოიწონა.
მამა-შვილი
ტოლიდო არის პატარა ქალაქი ამერიკის შეერთებულ შტატებში, სადაც ჩვენი სტატიის გმირი ცხოვრობდა და მსახურობდა. კლინტ ჰეისლეტი ქადაგებდა, წყვილებს აქორწინებდა და არც უფიქრია, რომ ოდესღაც ცნობილი გახდებოდა.