სიახლე

როგორია ცხოვრება, როცა დროში მოგზაურობ – "დროში მოგზაურის ცოლი" ქართულად ითარგმნა

როგორია ცხოვრება, როცა დროში მოგზაურობ – "დროში მოგზაურის ცოლი" ქართულად ითარგმნა
6 წლის იყო კლერი, როცა 36 წლის ჰენრი გაიცნო. როცა დაქორწინდნენ, კლერი 23 წლის იყო, ჰენრი 31 წლის. მათი სიყვარული დროის ტყვეობაში მოექცა, მაგრამ გამოცდას გაუძლო. ჰენრის გენეტიკური დაავადების გამო ხშირად უწევს კლერთან ხანგრძლივად განშორება, შეხვედრები კი ძალზე ხანმოკლეა. კლერმა არ იცის, როდის და როგორ გამოჩნდება საყვარელი მამაკაცი. მისი მოსვლა ზოგჯერ კომიკურია, ზოგჯერ ხიფათიანი, ზოგჯერ კი - ტრაგიკული. მიუხედავად ამისა, ის ყოველთვის, ყველა ასაკში ელის, იცის, რომ ჰენრი აუცილებლად მოვა.

ეს გენეტიკური დაავადების მქონე ჰენრის
სასიყვარულო ისტორიაა. წიგნის მთავარი გმირები არიან დროში მოგზაური და მისი ცოლი, რომელსაც ქმრის სიძნელეებთან გამკლავება უწევს.
ამერიკელი მწერლის, ოდრი ნიფენეგერის სადებიუტო რომანი 2003 წელს გამოვიდა. ავტორმა ძლიერი სასიყვარული იმედგაცრუება განიცადა, როდესაც წიგნზე მუშაობა დაიწყო. სწორედ ეს იყო ჰენრისა და კლერის ისტორიის მამოტივირებელი. რომანი, რომელიც სამეცნიერო ფიქციისა და რომანტიზმის საინტერესო ნაზავია, დაგაფიქრებთ ისეთ საკითხებზე, როგორებიცაა სიყვარული, დაკარგვა, თავისუფალი ნება.

საინტერესოა ის ფაქტიც, რომ ნიფენეგერს, როგორც ახალბედა ავტორს, ლიტერატურული აგენტის მოძებნა გაუჭირდა. თუმცა მწერალი არ დანებდა და წიგნი გამოსვლისთანავე გახდა ბესტსელერი. მოკლე პერიოდში მისი 2,5 მილიონი ეგზემპლარი გაიყიდა და წიგნმა არაერთი ჯილდოც, მათ შორის, Exclusive Books Boeke Prize და British Book Award მიიღო.

2009 წელს გამოვიდა წიგნის სცენარის მიხედვით გადაღებული ფილმი, იმავე სახელწოდებით. ოდრი ნიფენეგერის ამ საინტერესო ბესტსელერის ეკრანიზაციის უფლება ბრედ პიტისა და ჯენიფერ ენისტონის კინოკომპანია Plan B Entertainment–მა 2003 წელს იყიდა, როცა რომანი მწერალს არც ჰქონდა დასრულებული. რეჟისორ რობერტ შვენტკეს ფილმი კი ეკრანებზე 6 წლის შემდეგ გამოჩნდა. მასზე შემქმნელები 2 წლის განმავლობაში მუშაობდნენ. 2010 წელს ფილმი რამდენიმე ჯილდოს მფლობელიც გახდა. კინოეკრანიზაციაში მთავარ როლებს ერიკ ბანა და რეიჩელ მაკადამსი ასრულებენ.

ქართველი მაყურებელი უკვე კარგად იცნობს ფილმს „დროში მოგზაურის ცოლი“, წიგნი კი ცოტა ხნის წინ გამომცემლობა „პალიტრა L"-მა თარგმნა და ის უკვე წიგნის მაღაზიებშია.

FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif

გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
e87a93