ჩვენ გიზიარებდით საინტერესო რჩევებს და დასკვნებს კორონავირუსთან დაკავშირებით, თუმცა ახლა დადგა დრო, მოვუსმინოთ მათ, ვინც გამოჯანმრთელდა - მათ ჩვენთვის ბევრი რამ აქვთ სათქმელი.
1. ვირუსი ვრცელდება ტყეში ხანძრის მსგავსად
- ტრევორ მენკინი, სიეტლის პასტორი, რომელსაც დაუდგინდა COVID-19, შეშინებული იყო, თუ რაოდენ სწრაფად და მარტივად გადადის ვირუსი ადამიანიდან ადამიანზე. 1-ელ მარტს ტრევორმა მოინახულა მეგობარი საავადმყოფოში (მას მოგვიანებით დაუდგინდა კორონავირუსი), მიუხედავად იმისა, რომ მენკინმა დაიცვა უსაფრთხოების ყველა ნორმა, ხელთათმანით დაწყებული, ნიღბით, ხელების იმწამსვე დაბანით და ანტისეპტიკური ხსნარით დამუშავებით დასრულებული. ვიზიტის შემდეგ ის და მისი ცოლი რამდენიმე დღის შემდეგ საავადმყოფოში გადაიყვანეს. რა თქმა უნდა, კორონავირუსზე დადებითი აღმოჩნდა მათი პასუხებიც, რომელიც 11 მარტს დაუდგინდათ. სიმპტომების გამოვლენამდე პასტორი მივიდა სამსახურში საჭირო საბუთების ასაღებად. მენკინის ასისტენტი მომდევნო დღეს მივიდა სამსახურში და აღმოჩნდა, რომ ისიც დაინფიცირდა, თუმცა არ დაგავიწყდეთ, რომ მას ტრევორი საერთოდ არ უნახავს. შესაძლოა, ვირუსი კარის სახელურზე მოხვდა ან დოკუმენტებზე, თუმცა ამის დადგენა უკვე შეუძლებელი იყო. „ძალიან მარტივად გადადის. მისთვის სულერთია, იყავით თუ არა ინფიცირებულთან კომუნიკაციაში, ის მაინც იპოვის დაინფიცირების გზას“, - აღნიშნა ტრევორმა. სწორედ ამიტომ თვითიზოლაცია და სოციალური დისტანცირება მნიშვნელოვანია. დარჩით სახლში იმისათვის, რომ თავიდან აირიდოთ ვირუსის გავრცელება.
2. ეს არ ჰგავს გრიპს ან უბრალოდ გაციებას
- COVID-19-ს ადარებენ გრიპს, მაგრამ სიმპტომებით მხოლოდ დასაწყისში ჰგავს. ჩიარა ჯიჯიალორენცო, 25 წლის გოგონა მაიამიდან, 6 მარტიდან მოყოლებული ებრძოდა ვირუსს. ის ამტკიცებს, რომ გრიპსა და ამ ინფექციას შორის განსხვავება საკმაოდ დიდია. მისი დაავადება დაიწყო სისუსტით და მაღალი ტემპერატურით, გრიპისთვის დამახასიათებელი სიმპტომებით, მაგრამ ჩიარამ იგრძნო ჰაერის უკმარისობა და მიხვდა, რომ რაღაც ისე არ იყო. ჯიჯიალორენცომ აღწერა ეს მდგომარეობა, როგორც ბრძოლა თითოეული ჩასუნთქვისთვის.
- კრისტი, სიეტლის მცხოვრებიც, ახლახან შეემატა გამოჯანმრთელებულთა რიცხვს. 40 წლის სრულიად ჯანმრთელი ადამიანი იხსენებს, რომ იმდენად სუსტად იყო, რომ მისი მდგომარეობა ახალშობილ უსუსურ კნუტს თუ შეედრებოდა. ვირუსის პერიოდში ნახევარი დროის განაკვეთი არც ახსოვს. ამას პლუს, დახშული ცხვირი ერთვოდა, საწოლიდან კი დამოუკიდებლად წამოდგომას ვერ ახერხებდა.
3. კორონავირუსს უნდა მოეკიდოთ სერიოზულად. მაშინაც კი, თუკი უმნიშვნელო სიმპტომები გაქვთ
- ადამიანების 80%-ს, რომელიც დაინფიცირდა, მსუბუქი სიმპტომებით გადააქვთ - დაბალი სიცხე და მშრალი ხველა. ორი კვირის შემდეგ გამოჯანმრთელდებიან, თუკი ყურადღებით მოეკიდებიან გამოჯანმრთელების პროცესს. ადამიანები, რომლებიც დაინფიცირებულები არიან, გულწრფელად აღიარებენ: „საშინლად გვაღიზიანებს ის ადამიანები, რომლებიც დაუდევრად ეპყრობიან ამ ფაქტს. მათ მიაჩნიათ, რომ მარტივად გადაიტანენ და არ ფიქრობენ, რომ ამ დროს შესაძლოა სხვას გადასდონ, რომელიც შესაძლოა გარდაიცვალოს. ეს სრული ეგოიზმია.“
4. თუკი არ გაქვთ საშუალება, ჩააბაროთ ანალიზები, მოიქეცით ისე, თითქოს ინფიცირებული ხართ
- ტესტები, სამწუხაროდ, დიდი რაოდენობით არსად არ არის. ამიტომ შეეცადეთ, გამოიჩინოთ ყურადღება და მოიქცეთ შეგნებულად. პირველ რიგში, თვითიზოლაცია, ეს ნომერ პირველი წესია, რომელიც უნდა დაიცვათ იმ შემთხვევაშიც, თუკი არ ხართ დაინფიცირებული. თუკი სიმპტომები გამოგივლინდათ, მოიქეცით გონივრულად, მოიწყვეთ კარანტინი და დაიწყეთ გამოჯანმრთელება სახლის პირობებში.
5. დაეხმარეთ და ნუ გრცხვენიათ, მიიღოთ დახმარება
- ქაოსის დროს ზოგიერი ადამიანი ძალიან ცუდად იქცევა. პასტორი მანკინი გაოგნებული იყო, როცა დაინფიცირების შემდეგ ურეკავდნენ უცხო ადამიანები და სთავაზობდნენ მისთვის და მისი მეუღლისთვის საკვები პროდუქტების მიტანას. ძალიან დიდი მნიშვნელობა აქვს სინამდვილეში მორალურ და ფიზიკურ დახმარებას. ეს ადამიანს სწრაფად გამოჯანმრთელებაში უწყობს ხელს და დაავადების ადვილად გადატანაში ეხმარება. დაურეკეთ თქვენს ნათესავებს, მოიკითხეთ. ეს კარგი პერიოდია კავშირების აღსადგენად და ყურადღების გამოსაჩენად არაინფიცირებულების მიმართაც.
6. არ შეიშალოთ ჭკუიდან, მთელი წლის მარაგის შეძენით
- 20 შეკვრა ტუალეტის ქაღალდი არ გადაგარჩენთ აპოკალიფსისგან. არც მოხვავებული საჭმელი გიშველით. დაინფიცირებისას არც ტუალეტის ქაღალდი, არც ლიტრობით სანიტაიზერი და არც ნიღბები გიშველით. შეწყვიტეთ ტყუილად ფულის ხარჯვა. ასე მიიჩნევენ ინფიცირებულები. გთხოვთ, ნუ გახდებით მიზეზი, რის გამოც პენსიონერები დაბნეულად იდგებიან იმის ძებნაში, თუ სად იყიდონ ტუალეტის ქაღალდი და მაკარონი. სირცხვილია ასე მოქცევა. იყიდოთ მცირე რაოდენობის ნივთები, ეს ნორმალურია, მაგრამ იმდენი მოიმარაგოთ, თითქოს ზომბიპოკალიფსია - სისულელე და სირცხვილია.
7. შეზღუდეთ ახალი ამბების ყურება
- პასტორ მენკინი ყოველდღიურად უყურებდა ახალ ამბებს, მაგრამ თვითონაც კი გადაწყვიტა კარანტინის დროს ტელევიზორსა და გაზეთზე უარის თქმა. ჩვენც ყველას იმავეს გვირჩევს. ახალი ამბები, სტატისტიკა, ჩხუბი პარტიებს შორის ადამიანს დაძაბულობას მატებს და უფრო მეტად აგდებს პანიკაში, რაც სტრესს დიდი რაოდენობით ზრდის. მოერიდეთ ნეგატიური ინფორმაციის დიდი რაოდენობით ტვინისთვის მიწოდებას.
8. არ დაკარგოთ სულის სიმშვიდე
- თუკი კორონავირუსი აღმოაჩნდა თქვენს ახლობლებს, ეს არასასიამოვნოდ შესაძლოა ჟღერდეს და აღმაშფოთებლად. ვირუსზე დადებითი პასუხის მიღების შემდეგ პასტორი მენკენი განიცდიდა, როგორ იქნებოდა მისი ოჯახი, შვილები, თუმცა მალევე გააცნობიერა, რომ შიში ტრავმას აყენებს ბავშვებს და მათთან კომუნიკაციის დროს ართმევს. „ერთი თვით სახლში ჩარჩენა მოგიწია, ეს ნიშნავს, რომ გაქვს დრო, იურთიერთო შენს შვილებთან, ეთამაშო მათ. შეწყვიტე პანიკა და დატკბი ოჯახთან გატარებული დროით.“ რაც უნდა მოხდეს, შეინარჩუნეთ სულის სიმშვიდე და აუცილებლად გაუმკლავდებით დაავადებას.
წყარო