მომღერალი გიორგი სუხიტაშვილი სოციალურ ქსელში სამწუხარო ინფორმაციას ავრცელებს და წერს, რომ მუსიკოსი მიშა ჯაფარიძე ავტოავარიას ემსხვერპლა. სუხიტაშვილის თქმით, მიშა მისთვის არა მხოლოდ კარგი მეგობარი, არამედ ბენდის წევრიც იყო.
„რა უნდა გამეგო ისეთი რომ გული ასე გამხეთქვოდა? ვინ უნდა წასულიყო ამ ქვეყნიდან რომ მეთქვა ჩემი გულის ნაწილი წაიღოთქო, ვინ მეიმედებოდა ბოლო წლების მანძილზე ყველაზე მეტად?! ვინ იყო ჩემი გამორჩეული ბიჭი! ჩემი ძმა, ჩემი მიშო! ჩემი ნიჭისა და ადამიანობის ზეიმი, შრომის, პატიოსნების, წესრიგის, საიმედოობისა და უბრალოების მაგალითი. ვის დავეყრდნო ახლა, ვის ვთხოვო დახმარება, ვინ შემიცვლის შენ თავს ჩემო დაუმსახურებლად წასულო ბიჭო, რას ვახალო თავი! იმაზე მედად რა მატკენს ახლა რაც შენი სიკვდილით დავზარალდი და გავნადგურდი?“, - წერს მუსიკოსი.
<div> <div class="gtx-trans-icon"></div>
</div>