სიახლე

„ჩემი შვილი 2-3 თვის იქნებოდა, ქალაქის ცენტრში, ჭავჭავაძეზე მივდიოდით, როცა უცნობი მამაკაცი ჩხუბით და ყვირილით გამომეკიდა...“ - მარიამ სანოგო

„ჩემი შვილი 2-3 თვის იქნებოდა, ქალაქის ცენტრში, ჭავჭავაძეზე მივდიოდით, როცა უცნობი მამაკაცი ჩხუბით და ყვირილით გამომეკიდა...“ - მარიამ სანოგო
მოდელი და ტელეწამყვანი მარიამ სანოგო სოციალურ ქსელში დიდი პოპულარობით სარგებლობს. ის ეგზოტიკური და განსხვავებული ვიზუალის გამო ხშირად ექცევა საზოგადოების ყურადღების ცენტრში. „5 წლის ვიყავი, როცა პირველად თაკო ჩხეიძის სამოდელო სააგენტოში დავიწყე სიარული. დაახლოებით სამი თვის შემდეგ გაიმართა მოდის კვირეული, სადაც ჩემი გაყვანა გადაწყვიტეს. სიმართლე გითხრათ, გამიკვირდა და გამიხარდა. აქედან დაიწყო ჩემი სამოდელო კარიერა” - ამბობდა მარიამი. დღეს მას „ინსტაგრამზე“ 65 000-ზე მეტი გამომწერი ჰყავს, რომლებსაც ხშირად უზიარებს როგორც პირად, ისე ოჯახურ ფოტოებს და სასარგებლო რჩევებსაც
აძლევს.


მარიამ სანოგოს კარიერაში სიახლეა, ის პოპულარული ამერიკური შოუს The Talk show-ს ქართული ანალოგის ერთ-ერთი წამყვანია. გადაცემის პრემიერა გუშინ, 14 სექტემბერს ტელეკომპანია რუსთავი 2-ის ეთერში შედგა. მარიამთან ერთად, გადაცემის წამყვანები ნელი აგირბა, რუსკა მაყაშვილი, სტეფანე მღებრიშვილი და ნატა ასათიანი არიან. გადაცემის მთავარი თემა ძალადობა იყო, წამყვანებმა კი ამ საკითხთან მიმართებით საკუთარ გამოცდილებაზე გულახდილად ისაუბრეს.



როგორც მარიამ სანოგომ განმარტა, ის არაერთხელ ყოფილა საზოგადოებისგან ძალადობის მსხვერპლი: „ხშირად ვყოფილვარ ოჯახის გარეთ, საზოგადოების მხრიდან ძალადობის მსხვერპლი. არაერთი შემთხვევა მახსენდება, შემიძლია გავიხსენო როგორც ქალის, როგორც ფერადკანიან ქალის მიმართ ძალადობა. ყველაზე მეტი რომელ შემთხვევაზეც ვინერვიულე, იყო ბავშვის გამო. ჩემი შვილი იყო 2-3 თვის, დღისით, ქალაქის ერთ-ერთ ცენტრარულ ქუჩაზე, ჭავჭავაძეზე, გამომეკიდა უცხო მამაკაცი ჩხუბით და ყვირილით. თავი შევაფარე აფთიაქს. სანამ აფთიაქში არ შევედი, მანამდე არავის ჰქონია რეაქცია. აფთიაქში გამომესარჩლა ქალი, რომელიც დაცვის თანამშრომელი იყო. სასამართლო პროცესიც გაიმართა. სათანადო დასჯა არის პირველი პრევენცია“, - ამბობს მარიამ სანოგო.




FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif
გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
e87a93