ნუცა ბუზალაძეს საზოგადოება უკვე წლებია, კარგად იცნობს. ის ბევრისთვის საყვარელი მომღერალია, რომელმაც სახელი საქართველოს საზღვრებს გარეთაც გაითქვა. მიუხედავად იმისა, რომ ნუცა სოციალურ ქსელში აქტიურობით გამოირჩევა, ის იშვიათად საუბრობს საკუთარ პირად ცხოვრებაზე.
ამჯერად ნუცა ბუზალაძე დედასთან ერთად გადაღებულ ფოტოს აქვეყნებს და ემოციურ ტექსტს წერს: „2007 წელი და 10 წლის ნუცა დედასთან ერთად. მახსოვს, სტამბოლიდან გემით გადავედით კუძულზე, რომ ამ ეკლესიაში ავსულიყავით. ამბობენ, რომ აქ ჩაფიქრებული სურვილი სრულდებაო და ზუსტად მახსოვს ის შეგრძნება, როცა ჩავიფიქრე ჰოლივუდში ცხოვრება, დავწერე ფურცელზე და ყუთში ჩავაგდე. მინდა, რომ ყველას ყველა ჩანაფიქრი და ოცნება ასე აუხდეს“ - წერს ნუცა ბუზალაძე.