"ამერიკის დამოუკიდებლობის დღე გაუქმებულია" - კიმ კარდაშიანი, მადონა, ჯესიკა ჩესტეინი და სხვა ცნობილი ფიგურები აბორტის წინააღმდეგ მიღებულ კანონს აპროტესტებენ - Marao

ვარსკვლავები ამერიკის შეერთებული შტატების დამოუკიდებლობის დღეს გაუქმებულად აცხადებენ. კიმ კარდაშიანი, ჯესიკა ჩესტეინი, მადონა და სხვა ცნობილი ფიგურები სოციალურ ქსელებში მწვავე განცხადებებს აქვეყნებენ და ამბობენ, რომ ამერიკაში დამოუკიდებლობა არ არსებობს. მიზეზი რამდენიმე კვირის წინ უზენაესი სასამართლოს მიერ მიღებული კანონი გახდა, რომელმაც ამერიკის ტერიტორიაზე აბორტი აკრძალა.

პროტესტის ფონზე 4 ივლისს შტატებში მკვლელობების სერიაც ვიხილეთ, 22 წლის მამაკაცი შენობის სახურავზე აიჭრა და მშვიდობიან მოსახლეობას ცეცხლი გაუხსნა, რასაც მსხვერპლი და მრავალი დაშავებული ადამიანი მოჰყვა.

კიმ კარდაშიანმა „ინსტაგრამზე“ პოსტი გამოაქვეყნა: „4 ივლისი ოფიციალურად გაუქმებულია, ქალებს დამოუკიდებლობა აღარ აქვთ“ - დაწერა რეალითი-შოუს ვარსკვლავმა.

საპროტესტო ტალღას შეუერთდა მსახიობი ჯესიკა ჩესტეინიც. ჯესიკამ ფოტო „ტვიტერზე“ განათავსა წარწერით: „ბედნიერი დამოუკიდებლობის დღე ჩემგან და ჩემი უფლებებისგან“.

მადონამ სოციალურ ქსელში გამოაქვეყნა ფოტო, სადაც ქალს მამაკაცი პოლიციელი აჩერებს და უხსნის, რომ ასე გამოიყურება ცხოვრება ქალებისთვის, რომლებიც ამერიკაში დაიბადნენ.

„ჩემი სხეული ჩემი არჩევანია“ - ამერიკაში აბორტის აკრძალვას მასობრივი პროტესტი მოჰყვა