ლიტერატურული კონკურსი „გახდი ბესტსელერის ავტორი“ 2017 წელს სწორედ იმ მიზნით დაიწყო გამომცემლობა „პალიტრა L-მა“, რომ ავტორებისთვის მიეცა შანსი, მიეტანათ საკუთარი ნაშრომი მკითხველამდე და მათ შორის საუკეთესო თავადაც აღმოეჩინათ.
ასე გაჩნდა დამაკავშირებელი ჯაჭვი ავტორებსა და
- „გახდი ბესტსელერის ავტორი“, 2017 წლიდან მოყოლებული, უწყვეტად ტარდება ყოველ წელს. გამარჯვებულები ორნაირი პრინციპით აირჩევა: მკითხველის ხმების რაოდენობით და ჟიურის წევრების გადაწყვეტილებით. მკითხველს შეუძლია მონაწილეების ნამუშევრებს გაეცნოს ონლაინ, გამომცემლობა „პალიტრა L-ის“ საიტზე და ხმა მისცეს თავის ფავორიტს. ჟიურის წევრების ვინაობა მხოლოდ კონკურსის დასრულების შემდეგ ხდება ცნობილი.
- კონკურსით აღმოჩენილმა ავტორებმა უკვე მიაღწიეს წარმატებას ლიტერატურულ სფეროში. ლიტერატურული პრემიის - „ლიტერას“ გამარჯვებული ორი ავტორი: შორენა ხუხუა და იაგო თვალაბეიშვილი გახდა.
- რამდენიმე ავტორის წიგნები კონკურსის შემდეგაც დაიბეჭდა: ელის დოჯსონმა და ნიკოლოზ ტოტოღაშვილმა კონკურსში „გახდი ბესტსელერის ავტორი“ გამარჯვების შემდეგ კიდევ 3 წიგნი გამოსცეს, თინათინ ბერიძემ და ნათია ჯაგოდნიშვილმა - 1.
- ნიკოლოზ მაჩაბელი და ელის დოჯსონი ასევე არიან ქართული ინტერაქციული წიგნის - „ფენიქსის“ თანაავტორებიც. სერიულ რომანს, რომელიც 15 წიგნისგან შედგება, 4 ავტორი ჰყავს: ტორესა მოსი, თეა ინასარიძე, ელის დოჯსონი და ნიკოლას მაჩებელი. ისინი ერთმანეთის დაწერილ წიგნის ნაწილებს აგრძელებდნენ.
- გაყიდვების რეკორდული მაჩვენებელი ჰქონდა თათული ღვინიანიძის და თინათინ ბერიძის წიგნებს. 2022 წლის ბესტსელერი წიგნების სიაში მოხვდნენ: თინათინ ბერიძე („მოპარული სიყვარული“) 10 000-ზე მეტი გაყიდვით, ნათია ჯაგოდნიშვილი (შეცდომა), თათული ღვინიანიძე („აღიარება ხელისგულზე“) და ნიკოლოზ ტოტოღაშვილი (შვიდი მომაკვდინებელი გრძნობა“) – 7 000-ზე მეტი გაყიდვით.
ნამუშევრების წაკითხვა, ავტორების გაცნობა და ხმის მიცემა შეგიძლიათ აქ: https://palitral.ge/konkursi
მიეცით ხმა თქვენს ფავორიტს და დაეხმარეთ ავტორს ოცნების ასრულებაში.
