"გაჭიმვები" და მოქნილი ვარჯიშები სხეულის კუნთებს იმაზე უკეთ ამაგრებს, ვიდრე სიმძიმეებით ვარჯიში სატრენაჟორო დარბაზში. ეს მარტივი ტიბეტური პრაქტიკა არაჩვეულებრივ შედეგს იძლევა.
ამ ხუთ ვარჯიშზე დღეში მხოლოდ 10 წუთი დაგეხარჯებათ. შესამჩნევ შედეგს კი 2-კვირიანი ვარჯიშის შემდეგ მიიღებთ. ტიბეტური ვარჯიშები მისაღებია მოხუცებისთვისაც კი. არავითარ ტრავმას და ტკივილს არ იგრძნობთ კუნთებში. იქნებ სწორედ ესაა ტიბეტელი ბერების ახალგაზრდობის საიდუმლო?
ვარჯიში უნდა შეასრულოთ დილას. დაიწყეთ 7 გამეორებით და ნელ-ნელა გაზარდეთ 20-მდე.
1. დაწექით სახით იატაკისკენ. ნელ-ნელა აიწიეთ ზემოთ და თანდათანობით დაჭიმეთ ზურგისა და კისრის კუნთები. ხელები გაჭიმული უნდა იყოს და სხეულის საყრდენს წარმოადგენდეს. ცოტა ხნით ასე გაჩერდით, შემდეგ ფრთხილად დაეშვით ქვემოთ.
2. დაჯექით ძირს და ფეხები წინ გაშალეთ. ხელებითა და ფეხებით დაეყრდენით იატაკს და ეცადეთ, თეძოები რაც შეიძლება სწორად გააჩეროთ ჰაერში. თავი უნდა იყოს მხრების სიმაღლეზე. ისუნთქეთ ღრმად, ამოისუნთქეთ კუნთების მოდუნების დროს.
3. დადექით მუხლებზე, ფეხის თითები იატაკს დააბჯინეთ. ხელები თეძოებზე დაიწყეთ. ზურგი გაასწორეთ და თავით მაღლა აიწიეთ. რაც უფრო მეტად გაიწელებით, მით უკეთესია. ნელ-ნელა დაუბრუნდით საწყის პოზიციას. ყურადღება მიაქციეთ თანაბარ და ღრმა სუნთქვას.
4. დაწექით იატაკზე, ხელები თეძოების ქვეშ გაშალეთ. ჩაისუნთქეთ და თავი ჰაერში ასწიეთ. ნიკაპით მკერდს დააწექით. ასწიეთ ფეხები, ეცადეთ, რომ სწორი და გაჭიმული იყოს. ეცადეთ, რაც შეიძლება ღრმად ისუნთქოთ.
5. გაშალეთ ხელები ჰორიზონტალურად, გვერდზე. ხელისგულები ქვემოთ მიმართეთ. ხელები მხრების სიმაღლეზე უნდა იყოს. ფეხები მხრების სიგანეზე დადგით. ამ პოზაში გააკეთეთ წრიული მოძრაობები ზურგით, საათის ისრის მიმართულებით. იყურეთ პირდაპირ.
ახალგაზრდობა - მოქნილობას და მოძრაობას ნიშნავს. შეინარჩუნეთ ბუნებრივი მოქნილობა და სრულყოფილებამდე მიიყვანეთ საკუთარი სხეული.