ყველა ჩვენგანს გვინატრია ისეთი დიეტა, რომელიც წონაში ისე დაგვაკლებინებს, რომ არ შევზღუდავთ რაციონს და ჯანმრთელობასაც არ ვავნებთ.
მრავალწლიანი მუშაობის და კვლევების შედეგად ჰოლივუდის დიეტოლოგებმა უნიკალური კვების რეჟიმი შექმნეს, რომლისგანაც უკვე აღფრთოვანებულები არიან ქეით ბეკინსეილი, ენ ჰეტეუე და ჯენიფერ ენისტონი. მაშ ასე, რაშია ამ დიეტის არსი?
საბაზისო პრინციპები
1. რამდენი ვჭამოთ
დროა მიხვდე, რომ ზედმეტს ჭამ. საკვების ნორმალური პორცია არ უნდა აღემატებოდეს, მაგალითად, ფორთოხლის მოცულობას და არ უნდა იწონიდეს 250 გ-ზე მეტს. ამ შემთხვევაში კალორიებში არ არის საქმე, არამედ მოცულობასა და წონაში, რომელსაც ჯანმრთელი ადამიანის კუჭი უბრალოდ ვერ მოერევა.
2. რა ვჭამოთ
დიდი ხანია ცნობილია, დღეს კი დოკუმენტალურად დამტკიცებული ფაქტია, რომ არ უნდა შევუთავსოთ ნახშირწყლები ცილებს და რომ ცხიმები – ეს მნიშვნელოვანია.
3. როდის ვჭამოთ
ძალიან ხშირად ერთმანეთში ვურევთ შიმშილსა და ჩვევას. მაგალითად, მიდიხარ სამსახურში და მაშინვე იდუღებ ყავას, რომელსაც აყოლებ რაიმე ტკბილეულს. ამ დროს გშია თუ უბრალოდ ამ რიტუალს მიეჩვიე? ან საღამოს შენი მადა სტრესითა და დაღლილობით არის გამოწვეული თუ მართლა გშია? ამის შემოწმება მარტივად შეგიძლია: დალიე რამდენიმე ყლუპი წყალი და დაიცადე 15 წუთი. თუკი შიმშილი ცრუ იყო, ჭამის სურვილი შემცირდება ან საერთოდ გაქრება.
4. როგორ ვჭამოთ
უარესი, რისი გაკეთებაც შეგვიძლია, ის არის, რომ ვჭამოთ ჩქარ-ჩქარა და მოსწრებაზე. საკვების ყოველი მიღება 20 წუთს უნდა გრძელდებოდეს. ჭამე გააზრებულად, გემოს ყოველი ნიუანსის შეფასებით, პატარა ლუკმებით და კარგად დაღეჭვით და ნუ იჩქარებ გადაყლაპვისთანავე ეცე შემდეგ ლუკმას. არასოდეს იჩქარო. გზადაგზა შეგიძლია შეჭამო ვაშლი ან ბანანი, მაგრამ არამც და არამც ძირითადი საკვები.
5. რამდენად ხშირად ვჭამოთ
რაც უფრო ხშირად, მით უკეთესია. კვლევების შედეგებმა აჩვენა, რომ ოპტიმალურია ვჭამოთ ყოველ ნახევარ საათში ერთხელ! მაგრამ ამისათვის არც დრო გვაქვს და არც საშუალება. ამიტომაც გრაფიკის შედგენა თავად შეგიძლია, ოღონდ უნდა დაიცვა ორი აუცილებელი პირობა: რაც შეიძლება ხშირად და მკაცრად განსაზღვრული შუალედებით. მაგალითად, აჯობებს მიირთვა დღეში 4-ჯერ, 3 საათიანი შუალედებით ან 3-ჯერ 4 საათიანი შუალედებით, ვიდრე ჭამო 3-ჯერ ყოველ საათში ერთხელ და მეოთხედ 5 საათის შემდეგ.
6. რომელი პროდუქტები მივირთვათ
ნებისმიერი. არცერთი პროდუქტი არ მოხვდა აკრძალვაში. მთავარია – ყურადღება მიაქციო ცხიმების, ცილებისა და ნახშირწყლების ბალანსს. ნორმალურია თუკი შემდეგი შეთავსებაა: 1:1:3. ანუ 1 გრამ ცილაზე მოვა 1 გრამი ცხიმი და 3 გრამი ნახშირწყალი.
მარტივი რჩევები
1. ნებისმიერი ტრაპეზი დაიწყე ერთი ჭიქა წყლით. როგორც წესი, ჩვენი ორგანიზმი გაუწყლოებულია და მიღებული პროდუქტებიდან ჩქარობს პირველ რიგში წყლის შეთვისებას, ხოლო საკვები ნივთიერებები და ვიტამინები შეითვისება ცუდად ან საერთოდ არა.
2. ყოველთვის გამოიყენე დანა-ჩანგალი. ჭამე ლამაზად და გემოვნებით, დატკბი თითოეული ლუკმით.
3. სანამ ლუკმას ღეჭავ, დააწყე დანა-ჩანგალი (კოვზი) მაგიდაზე. ეს პატარა ხრიკი გაგაკონტროლებინებს თეფშთან მიახლოების რაოდენობას.
4. შეეცადე, ბოლომდე არ მიირთვა კერძი. დატოვე ცოტაოდენი საკვები თეფშზე და მოაშორე თვალსაწიერიდან. თუკი 15 წუთში ისევ მოგინდა შეჭმა, დააბრუნე თეფში და დაასრულე ჭამა. ნახავ, რამდენად იშვიათად მოგინდება თეფშის უკან დაბრუნება.
5. ნუ დააჯილდოებ თავს საკვებით. მთელი კვირა გაძელი ტკბილისა და ცომეულის გარეშე? მაგარია! მაგრამ ეს არ არის იმის მიზეზი, რომ შაბათ საღამოს გემრიელად მიირთვა ჩიზქეიქი და მიაყოლო კაპუჩინო. საერთოდ გამორიცხე "გემრიელობები" ჯილდოების სიიდან. შენ ჭამ იმიტომ, რომ ეს სასიცოცხლოდ მნიშვნელოვანია, შენ ყოველდღიურად მიირთმევ გემრიელ საჭმელს და ეს არც ბონუსია და არც პრიზი.
6. შეადგინე მინიუ. იმისათვის, რომ მტკიცედ დაიცვა ყველა პრინციპი, რაც აქამდე ჩამოვთვალეთ. დაგჭირდება მინიმუმ 2 კვირით ადრე (უკეთესია – ერთი თვით, მაგრამ შეგახსენებთ, რომ ეს თითქმის შეუძლებელია) ჩამოწერო შენი მენიუ, რომელშიც არცერთი კერძი არ განმეორდება. ინგრედიენტები, რა თქმა უნდა, შესაძლებელია რომ განმეორდეს.
7. დაისახე პრიორიტეტები. ჩამოწერე შენი საყვარელი პროდუქტები და ჩართე რაციონში ისინი პირველ რიგში. საჭმელი უნდა გახარებდეს! თავდაპირველად დღეებზე გაანაწილე სულ საყვარელი საჭმელი, ხოლო შემდეგ დაუმატე მას აუცილებელი პროდუქტები, რათა დაიცვა ბალანსი.