როცა რაღაც გვტკივა, როგორც წესი, ტკივილგამაყუჩებელს ვიღებთ. ეს მარტივია და არანაირი ძალისხმევა არ სჭირდება, მაგრამ ყველამ ვიცით, რომ წამლებს თავისი უკუჩვენებები აქვს და მათი ხშირად მიღება არ შეიძლება.
ამიტომაც გთავაზობთ წამლების ალტერნატივას. Joyrnal of Rheutology-ს ბოლო კვლევებმა აჩვენა, რომ ქრონიკულ ტკივილთან ბრძოლის ყველაზე ეფექტური საშუალება – იოგაა! ვარჯიშების 8 კვირა უკვე საკმარისია იმისათვის, რომ უკეთესობა იგრძნოთ, ამბობენ მკვლევარები. განსაკუთრებით ეს ეხება "ჯანმრთელობის საერთო მდგომარეობას, ცხოვრებისეულ ძალებსა და ფსიქიკას".
გთავაზობთ იოგას 9 პოზას, რომლებიც სხვადასხვა ტკივილს ხსნის:
"ბავშვის პოზა" (წელის, მენჯ-სახსრის ტკივილი, სტრესები).
1. დადექით მუხლებზე იატაკზე ან მყარზედაპირიან საწოლზე.
2. დაწიეთ უკანალი დაბლა, მიაბჯინეთ ტერფებს და გადაიხარეთ წინ, წინგაწეული ხელებით, ხელისგულებით დაბლა.
3. დაუშვით შუბლი იატაკზე.
4. ისუნთქეთ ღრმად, მოდუნდით.
5. დაჰყავით ამ მდგომარეობაში ერთი წუთის განმავლობაში.
"ზურგზე წოლა" (ხსნის კისრის კუნთების დაძაბულობას და თავის ტკივილს).
1. დაწექით ზურგზე კედლის გასწვრივ. ამასთან, ფეხები კედელს მიაბჯინეთ.
2. ხელები დაიწყვეთ მკერდზე ან მუცელზე და მოდუნდით.
3. დახუჭეთ თვალები და ისუნთქეთ ღრმად.
4. დარჩით ამ პოზაში 3-10 წუთის განმავლობაში.
"კატის პოზა" (ზურგის ტკივილი, ხერხემლის პრობლემები)
1. დავიწყოთ "ნეიტრალური ხერხემლით", ანუ დადექით ოთხზე. ხელების მტევნები ზუსტად მხრების ქვეშ უნდა მდებარეობდეს, მუხლები კი – თეძოების სიგანეზე, ხელისგულები – მხრების სიგანეზე.
2. საწყის მდგომარეობაში ხერხემალი იატაკის გასწვრივ მდებარეობს: იგრძენით ის, დაჭიმეთ კისერი, ისე, რომ ზურგის გაგრძელებად იქცეს.
3. ჩასუნთქვასთან ერთად ჩაიზნიქეთ "კატის" პოზაში – წელს მაქსიმალურად დაბლა ვზნექთ, თავს კი ზემოთ ვექაჩებით.
4. შეიგრძენით დაჭიმულობა ტორსის ზედა ნაწილსა და კისრის არეში.
5. შემდეგ ამოსუნთქვასთან ერთად ამოზნიქეთ ტორსი ზემოთ, ხოლო თავი დახარეთ დაბლა.
6. შეინარჩუნეთ მოძრაობის სინქრონულობა.
7. გაიმეორეთ თანამიმდევრობა 10-ჯერ. დაასრულეთ ჩასუნთქვით და მასთან ერთად ტორსის ჩაზნექვით. გაიჭიმეთ და ნელ-ნელა დაბრუნდით "ნეიტრალურ" პოზაში. დაამშვიდეთ სუნთქვა. დააკვირდით შეგრძნებების ცვლილებებს.
თუ მუხლების პრობლემები გაქვთ, ამ ვარჯიშის შესასრულებლად გამოიყენეთ რბილი ნოხი.
"დატრიალება" (მუცლის, კუჭის ტკივილი, საჭმლის მონელების პრობლემები).
1. დაჯექით იატაკზე სწორი ზურგით და იატაკზე სწორად დაწყობილი ფეხებით.
2. მოხარეთ მარჯვენა მუხლი და გადააჭდეთ ის მარცხენა ფეხს, რომელიც კვლავ სწორად გიდევთ იატაკზე.
3. შეტრიალდით მარჯვნივ ისე, რომ მარჯვენა ხელს წონასწორობისთვის ეყრდნობოდეთ.
4. ისუნთქეთ ღრმად.
5. დარჩით ამ მდგომარეობაში 30 წამი.
6. გაიმეორეთ იგივე მოძრაობა მარცხენა ფეხით და მარცხნივ შეტრიალებით.
"პეპელა" (მენჯ-ბარძაყის სახსრების ტკივილი)
1. დაჯექით იატაკზე გამართული წელით.
2. ფეხის ტერფები მიაბჯინეთ ერთმანეთს.
3. ისუნთქეთ ღრმად და ნელი მოძრაობით დაუშვით მუხლები იატაკზე, მიიღეთ პეპლის პოზა.
4. დარჩით ამ მდგომარეობაში 1-2 წუთი.
"დატრიალება T" (ზურგის ქვედა ნაწილის ტკივილი).
1. დაწექით ზურგზე, ხელები დააწყვეთ ისე, რომ თქვენი სხეული წინ გაშლილი ფეხებით "T" ასოს დაემსგავსოს.
2. ახლა მოხრილი მუხლები მიიტანეთ მკერდთან.
3. შემდეგ ნელა დაუშვით ერთად შეტყუპებული მუხლები ცალ მხარეს იატაკისკენ. მხრები არ მოაცილოთ იატაკს.
4. ისუნთქეთ ღრმად, შეეცადეთ მოადუნოთ ზურგის ქვედა კუნთები.
5. დაჰყავით ამ მდგომარეობაში 1-2 წუთი.
6. გაიმეორეთ მეორე მხარეს.
"ტორსის აწევა"
1. დაწექით ზურგზე, ხელები დაიწყეთ სხეულის გასწვრივ.
2. მოხარეთ ფეხები მუხლებში და დააწყვეთ ტერფები იატაკზე.
3. ისუნთქეთ ღრმად. როცა ამოისუნთქავთ, ასწიეთ ტორსი მაღლა.
4. როცა ჩაისუნთქავთ, დაუშვით ტორსი იატაკზე.
5. გაიმეორეთ ვარჯიში ერთი წუთის განმავლობაში.
"წინ დახრები" (მენსტრუალური სპაზმების მოსახსნელად)
1. დაჯექით იატაკზე: მარცხენა ფეხი გაასწორეთ, ხოლო მარჯვენა მოხარეთ მუხლში, ტერფი კი მიაბჯინეთ მარცხენა ფეხს.
2. ნელა გადაიხარეთ წინ. ხელები წინ ისე დააწყვეთ, რომ დაასვენოთ.
3. ისუნთქეთ, დახარეთ სხეული რაც შეიძლება დაბლა. დარჩით ამ მდგომარეობაში 30 წამის განმავლობაში.
4. გაიმეორეთ ვარჯიში მოხრილი მარცხენა ფეხით.
"გაჭიმვა დაკიდებული ტორსით" (ფეხების ტკივილი)
ეს ვარჯიში შესანიშნავად ხსნის მაღალი ქუსლებით სიარულით და სხვა დატვირთვით გამოწვეულ ფეხების ტკივილს.
1. ფეხზე მდგომარემ გადააჯვარედინეთ ფეხები.
2. ნელა გადაიხარეთ წინ იქამდე, სანამ თქვენი ხელები თქვენ წინ იატაკზე არ აღმოჩნდება.
3. მოხარეთ მარჯვენა მუხლი ისე, რომ მარცხენა გაჭიმული დატოვოთ.
4. დარჩით ამ მდგომარეობაში 30 წამის განმავლობაში.
5. დაბრუნდით საწყის მდგომარეობაში და გაიმეორეთ ვარჯიში მოხრილი მარცხენა ფეხით.